കൽപ്പറ്റ: കള്ളാടി ദുരന്തത്തിൽ ഒരു മൃതദേഹം കൂടി കണ്ടെത്തി. ഹിമാചൽ സ്വദേശിയും കൺസ്ട്രക്ഷൻ മാനേജറുമായ വിക്രം റാണയുടെ മൃതദേഹമാണ് കണ്ടെത്തിയത്. ഇതോടെ ദുരന്തത്തിൽ മരിച്ചവരുടെ എണ്ണം എട്ടായി. ഇന്ന് രാവിലെ നടത്തിയ തെരച്ചിലിലാണ് വിക്രം റാണയുടെ മൃതദേഹം കണ്ടെത്തിയത്. പാലത്തിൽ നിന്ന് 150 മീറ്റർ ദൂരെയായിരുന്നു മൃതദേഹം. വിക്രം റാണയുടെ സഹോദരങ്ങളായ കുൽവന്ത്, പ്രമോദ്, ബന്ധുവായ അൻകുഷ് എന്നിവർ വയനാട്ടിൽ എത്തിയിരുന്നു.
കോഴിക്കോട്: ലഹരി സംഘത്തിലെ പ്രധാനി പിടിയില്. പൂച്ച അര്ഷാദ് എന്ന് വിളിപ്പേരുള്ള പി വി അര്ഷാദ് ആണ് കസബ പൊലീസിന്റെ പിടിയിലായത്. മൂന്നിലധികം ലഹരിക്കേസുകളില് പ്രതിയാണ് അര്ഷാദ്. കഴിഞ്ഞ ദിവസം പൊലീസ് പിടിയിലായ മാവൂര് സ്വദേശി സലാമിന് എംഡിഎംഎ എത്തിച്ചുനല്കിയത് അര്ഷാദ് ആണെന്ന വിവരം പൊലീസിന് ലഭിച്ചിരുന്നു. ഓപ്പറേഷന് തൂഫാന്റെ ഭാഗമായി വ്യാപക പരിശോധനയാണ് കോഴിക്കോട് നഗരത്തില് ഉള്പ്പെടെ നടത്തുന്നത്.
ചാലോട്: കണ്ണൂരിലെ കാര് അപകടത്തില് പരിക്കേറ്റ് ചികിത്സയിലായിരുന്ന അഞ്ചാമത്തെയാളും മരിച്ചു. തൃശ്ശൂര് തിരുവമ്പാടി സ്വദേശി ആദിത്യ കൃഷ്ണദീപ് (21) ആണ് മരിച്ചത്. ഗുരുതരമായി പരിക്കേറ്റ് ചാലയിലെ സ്വകാര്യ ആശുപത്രിയില് ചികിത്സയിലായിരുന്നു. തൃശ്ശൂര് പൂങ്കുന്നം അസ്സറ്റ് പ്ലാറ്റിന ഫ്ലാറ്റില് താമസിക്കുന്ന നാവികസേന ഉദ്യോഗസ്ഥന് എ പി പ്രദീപിന്റെയും ഹണിയുടെയും മകനാണ് ആദിത്യ കൃഷ്ണദീപ്. വിവാഹച്ചടങ്ങില് പങ്കെടുക്കാന് ബെംഗളൂരുവില്നിന്ന് കണ്ണൂരിലേക്ക് വരുകയായിരുന്ന സംഘം സഞ്ചരിച്ച കാര് മരത്തിലിടിച്ചാണ് അപകടമുണ്ടായത്. അഞ്ച് പേരാണ് വാഹനത്തില് ഉണ്ടായിരുന്നത്. വാഹനാപകടത്തില് ഇന്നലെ നാല് മരണം […]
എസ് ജാനകിയുടെ നിര്യാണത്തില് കെപിസിസി പ്രസിഡന്റ് സണ്ണി ജോസഫ് അനുശോചനം രേഖപ്പെടുത്തി. തെന്നിന്ത്യന് സംഗീതാസ്വാദകരുടെ ഹൃദയത്തോട് ചേര്ന്ന് നിന്നിരുന്ന കലാകാരിയായിരുന്ന ജാനകിയമ്മ.ഭാഷാ അതിര്വരമ്പുകളെ സ്വരമാധുര്യം കൊണ്ട് ഭേദിച്ച അതുല്യപ്രതിഭ. തലമുറകളെ വിസ്മയിപ്പിച്ച ഗായികയായിരുന്നു അവര്.ജാനകിയമ്മയുടെ വിയോഗത്തോടെ ഇതിഹാസ്യ തുല്യമായ സംഗീതസപര്യയ്ക്കാണ് വിരാമമായത്. ശബ്ദത്തിന്റെ വൈവിധ്യം കൊണ്ട് സംഗീതാസ്വാദകന്റെ സങ്കല്പ്പങ്ങള്ക്ക് ജീവന് പകര്ന്ന കലാകാരിയാണ് വിടവാങ്ങിയത്. ജാനകിയമ്മയുടെ വേര്പാട് ഇന്ത്യന് ചലച്ചിത്ര മേഖലയ്ക്ക് നികത്താനാകാത്ത നഷ്ടമാണെന്നും സണ്ണി ജോസഫ് പറഞ്ഞു.
കോഴിക്കോട്: പേരാമ്പ്ര ചാലിക്കരയില് മനുഷ്യ അസ്ഥികൂടത്തിൻ്റെ അവശിഷ്ടങ്ങൾ കണ്ടെത്തി. ഒരു വ്യക്തിയുടെ പുരയിടത്തിലാണ് അസ്ഥികൂടം കണ്ടെത്തിയത്. തലയോട്ടിയും അസ്ഥികളും വേറിട്ട നിലയിലായിരുന്നു. അസ്ഥികൂടത്തിന് ഒരു മാസത്തെ പഴക്കമുണ്ടെന്നാണ് നിഗമനം. മൃതദേഹം കാണാതായ ചാലിക്കര കാക്കാമാക്കൂല് മീത്തല് കുഞ്ഞിക്കണ്ണന്റേത് ആണെന്നാണ് സംശയം. പൊലീസ് സ്ഥലത്തെത്തി പരിശോധന നടത്തുകയാണ്.
ഫൂ ക്വോക്ക്: വിയറ്റ്നാമിലെ ഫൂ ക്വോക്കിന് സമീപം ഇന്ത്യന് വിനോദസഞ്ചാരികളുമായി സഞ്ചരിച്ച സ്പീഡ് ബോട്ട് മറിഞ്ഞ് വന് അപകടം. 15ഓളം പേര് മരിച്ചതായാണ് അന്തര്ദേശീയ മാധ്യമങ്ങള് റിപ്പോര്ട്ട് ചെയ്യുന്നത്. എന്നാല് മരിച്ചവരുടെ കൃത്യമായ വിവരം ഇനിയും സ്ഥിരീകരിച്ചിട്ടില്ല. മിന് ഹുയ് ഫൂ ക്വോക്ക് ട്രേഡിംഗ് ടൂറിസം കമ്പനി പ്രവര്ത്തിപ്പിച്ചിരുന്ന ബോട്ടായ മേ റൂട്ട് എന്ഗോയ് ദ്വീപില് നിന്ന് അന് തോയ് തുറമുഖത്തേക്ക് മടങ്ങുന്നതിനിടെയാണ് അപകടത്തില്പ്പെട്ടത്. യാത്ര തിരിച്ച് ഏകദേശം 400 മീറ്റര് പിന്നിട്ടപ്പോഴേക്കും ഉച്ചയ്ക്ക് ഒരു മണിയോടെ […]
ന്യൂഡല്ഹി: മാധ്യമപ്രവര്ത്തകരോട് ക്ഷുഭിതനായി പ്രതിപക്ഷ നേതാവ് പിണറായി വിജയന്. എന്തെങ്കിലും പറയാനുണ്ടെങ്കില് ഞാന് പറയുമെന്നും നിങ്ങള് ഇവിടെ ഈ വടിയും പിടിച്ചു നില്ക്കേണ്ടതില്ല എന്നുമാണ് പിണറായി പറഞ്ഞത്. ദില്ലിയിലെ കേന്ദ്ര കമ്മറ്റി യോഗത്തില് പങ്കെടുത്ത് കേരള ഹൗസില് എത്തിയപ്പോള് ആയിരുന്നു പ്രതികരണം. വിഴിഞ്ഞം ഓഹരി കൈമാറ്റത്തില് സിപിഎമ്മിലെ ഭിന്നാഭിപ്രായങ്ങളില് പിണറായി വിജയന് കടുത്ത അതൃപ്തിയിലെന്നാണ് റിപ്പോര്ട്ട്. പിണറായിയുടെ അതൃപ്തിയിലും ഇപി ജയരാജനും കെകെ ശൈലജയും പികെ ശ്രീമതിയും നിലപാടില് മാറ്റമില്ലാതെ തുടരുകയാണ്. അതിനിടെ, കണ്ണൂര് ജില്ലാ സെക്രട്ടറി […]
അനസ്തേഷ്യ നല്കിയതിന് പിന്നാലെ ഒന്നര വയസ്സുകാരന് മരിച്ച സംഭവത്തില്, കണ്ണൂര് പയ്യന്നൂര് ബേബി മെമ്മോറിയല് ആശുപത്രിക്കെതിരെ ഗുരുതര ആരോപണവുമായി കുടുംബം. നിസ്സാര മുറിവുമായി എത്തിയ കുഞ്ഞിന് അനസ്തേഷ്യ നല്കേണ്ട അടിയന്തര സാഹചര്യം എന്തായിരുന്നുവെന്ന് കുടുംബം ചോദിച്ചു. ഉത്തരവാദികളായ മുഴുവന് ഡോക്ടേഴ്സിന് എതിരേയും നടപടി വേണമെന്ന് ബന്ധുക്കള് ആവശ്യപ്പെട്ടു. അന്വേഷണത്തിന് നിര്ദ്ദേശം നല്കിയെന്ന് മന്ത്രി കെ മുരളീധരന് പ്രതികരിച്ചു. ജൂലൈ അഞ്ചിനാണ് എരമം സ്വദേശികളായ സൂരജ് വിജിഷ ദമ്പതികളുടെ മകന് ദേവാന്ഷ് ശൗര്യ കളിക്കുന്നതിനിടെ വീണു പരിക്കേറ്റത്. താടിക്കും […]
കോഴിക്കോട്: യുഡിഎഫ് സർക്കാരിനും മുഖ്യമന്ത്രി വി ഡി സതീശനുമെതിരെ കടുത്ത രാഷ്ട്രീയ വിമർശനവുമായി മുൻ മന്ത്രിയും നിലവിൽ എംഎൽഎയുമായ പി എ മുഹമ്മദ് റിയാസ് രംഗത്ത്. അധികാരത്തിൽ വന്നത് മുതൽ തിരുത്തലുകളുടെ ഘോഷയാത്രയാണ് സംസ്ഥാനത്ത് നടക്കുന്നതെന്നും, ദിവസം രണ്ട് തവണ വീതമാണ് സർക്കാർ തീരുമാനങ്ങൾ തിരുത്തുന്നതെന്നും അദ്ദേഹം പരിഹസിച്ചു. ഇങ്ങനെ തിരുത്താൻ വേണ്ടി മാത്രമാണോ സർക്കാർ നിരന്തരം തെറ്റായ തീരുമാനങ്ങൾ എടുക്കുന്നതെന്ന് ചോദിച്ച റിയാസ്, കഴിഞ്ഞ പത്ത് വർഷമായി മുടക്കമില്ലാതെ നൽകിവന്ന പ്രവാസി പെൻഷൻ നിലവിൽ പിടിച്ചുവെച്ചിരിക്കുന്നത് […]
ആലപ്പുഴ: മെഡിക്കൽ കോളേജുകളിലെ സൗജന്യ ഭക്ഷണ വിതരണം തടയണമെന്ന മുതിർന്ന നേതാവ് ജി സുധാകരന്റെ വിവാദ പരാമർശത്തിനെതിരെ ഡിവൈഎഫ്ഐ സംസ്ഥാന നേതൃത്വം രംഗത്ത്. എത്ര പെട്ടെന്നാണ് മനുഷ്യരുടെ വിശപ്പിന്റെ വില ചിലർ മറന്നുപോകുന്നത് എന്ന് വി.കെ. സനോജ് ഫേസ്ബുക്കിൽ കുറിച്ചു. മുൻപ് ഡിവൈഎഫ്ഐയുടെ ഭക്ഷണവിതരണത്തെ പ്രശംസിച്ചിരുന്ന ജി. സുധാകരൻ ഇപ്പോൾ വലതുപക്ഷത്തിന്റെ കുഴലൂത്തുകാരനായി മാറിയെന്നും, നിലപാടുകളിലെ ഈ മാറ്റം സുധാകരനെ സ്വയം അപഹാസ്യനാക്കുകയാണെന്നും പാർട്ടി നേതാക്കൾ വിമർശിച്ചു. ആശുപത്രികളിൽ സംഘടനകൾ അന്നദാനം നടത്തരുതെന്നും, ചോറും കഞ്ഞിയും കൊടുത്ത് […]
