ആലപ്പുഴ: ആലപ്പുഴ നഗരത്തിൽ നടന്ന സ്വകാര്യ സ്ഥാപനത്തിന്റെ ഉദ്ഘാടന ചടങ്ങിന് ശേഷം ഔദ്യോഗിക വാഹനം കാണാഞ്ഞതിനെ തുടർന്ന് കേന്ദ്രമന്ത്രി സുരേഷ് ഗോപി വീണ്ടും ഓട്ടോറിക്ഷയിൽ യാത്ര ചെയ്തു. പരിപാടി കഴിഞ്ഞ് പുറത്തിറങ്ങിയ കേന്ദ്രമന്ത്രി തന്റെ വാഹനം സ്ഥലത്തില്ലെന്ന് കണ്ടതോടെ തൊട്ടടുത്തുള്ള സ്റ്റാൻഡിൽ കിടന്ന ഓട്ടോറിക്ഷ വിളിച്ച് താമസസ്ഥലത്തേക്ക് മടങ്ങുകയായിരുന്നു. മുൻപും ഔദ്യോഗിക വാഹനം ലഭ്യമാകാത്ത സാഹചര്യങ്ങളിൽ സുരേഷ് ഗോപി ഓട്ടോറിക്ഷയെ ആശ്രയിച്ചത് വലിയ വാർത്താശ്രദ്ധ നേടിയിരുന്നു.

തിരുവനന്തപുരം: സ്വാതന്ത്ര്യദിനാഘോഷങ്ങളുടെ ഭാഗമായി സംഘടിപ്പിക്കുന്ന ഔദ്യോഗിക പരിപാടികളിലും ‘ഹർ ഘർ തിരങ്ക’ ചടങ്ങുകളിലും ദേശീയ ഗീതമായ വന്ദേമാതരം പൂർണമായി ആലപിക്കണമെന്ന് നിർദേശിച്ച് സംസ്ഥാന സർക്കാർ ഉത്തരവിറക്കി. കേന്ദ്ര സാംസ്കാരിക മന്ത്രാലയത്തിന്റെ പ്രത്യേക നിർദേശപ്രകാരമാണ് ചീഫ് സെക്രട്ടറി വകുപ്പുകൾക്കും തദ്ദേശ സ്ഥാപനങ്ങൾക്കും ഔദ്യോഗികമായി കത്തയച്ചിരിക്കുന്നത്. വന്ദേമാതരത്തിന്റെ 150-ാം വാർഷികം ആഘോഷിക്കുന്ന ചരിത്രപരമായ പശ്ചാത്തലംകൂടി കണക്കിലെടുത്താണ് കേന്ദ്രസർക്കാർ ഈ പുതിയ മാർഗനിർദേശം പുറപ്പെടുവിച്ചിരിക്കുന്നത്. ഓഗസ്റ്റ് 9 മുതൽ 17 വരെ നീളുന്ന ഹർ ഘർ തിരങ്ക കാമ്പയിന്റെ ഭാഗമായുള്ള എല്ലാ […]

തിരുവനന്തപുരം: ക്രമസമാധാന തകർച്ച തടയുന്നതിനായി സംസ്ഥാന വ്യാപകമായി പോലീസിന്റെ വൻ ഗുണ്ടാവേട്ട. ‘ഓപ്പറേഷൻ ഗ്രിപ്പ്’ എന്ന പേരിൽ ക്രമസമാധാന ചുമതലയുള്ള എ.ഡി.ജി.പിയുടെ നേരിട്ടുള്ള മേൽനോട്ടത്തിലാണ് പരിശോധന പുരോഗമിക്കുന്നത്. ഇതിനിടെ, പോലീസിനെയും ആഭ്യന്തര വകുപ്പിനെയും വെല്ലുവിളിച്ച് ഒളിവിൽ കഴിയുന്ന അർജുൻ ആയങ്കിക്കായുള്ള തിരച്ചിൽ പോലീസ് അതീവ ഊർജ്ജിതമാക്കി. അർജുൻ ആയങ്കിയുടെ സുഹൃത്തുക്കളായ എട്ടുപേരെ കണ്ണൂർ വളപട്ടണം പോലീസ് കരുതൽ തടങ്കലിലാക്കി. ഒളിവിലിരിക്കെ ആയങ്കിയുടെ സോഷ്യൽ മീഡിയ അക്കൗണ്ടുകൾ കൈകാര്യം ചെയ്യുന്നത് ഇവരാണോ എന്ന് കണ്ടെത്താനാണ് ചോദ്യം ചെയ്യുന്നത്. രണ്ടുദിവസം […]

കോഴിക്കോട് പയ്യോളിയിൽ ആംബുലൻസും മീൻ വണ്ടിയും കൂട്ടിയിടിച്ച് അപകടം. ആറ് പേർക്ക് പരിക്കേറ്റു. പരിക്കേറ്റവരെ കൊയിലാണ്ടി താലൂക്ക് ആശുപത്രിയിലും കോഴിക്കോട് മെഡിക്കൽ കോളേജ് ആശുപത്രിയിലും പ്രവേശിപ്പിച്ചു. വടകരയിൽ നിന്ന് രോഗിയുമായി കോഴിക്കോട് മെഡിക്കൽ കോളേജിലേക്ക് പോകുന്ന ആംബുലൻസ് ആണ് അപകടത്തിൽപ്പെട്ടത്. ആരുടേയും പരിക്ക് ഗുരുതരമല്ല