കുന്ദമംഗലം : കേരള സംസ്ഥാന വ്യാപാരി വ്യവസായി സമിതി പത്താം ജില്ലാ സമ്മേളനം നവം.19,20,21 തിയ്യതികളിൽ കുന്ദമംഗലത്ത് നടക്കുമെന്ന് പ്രവർത്തകർ വാർത്താ സമ്മേളനത്തിൽ അറിയിച്ചു. 19ന് തൊട്ടിൽപ്പാലത്ത് നിന്നാരംഭിക്കുന്ന പതാകജാഥയും മുക്കത്ത് നിന്നാരംഭിക്കുന്ന കൊടിമരജാഥയും വൈകുന്നേരം അഞ്ച് മണിക്ക് കൊടുവള്ളിയിൽ സംഗമിക്കുകയും ഇരുചക്ര വാഹനങ്ങളുടെ അകമ്പടിയോടെ കുന്ദമംഗലത്തേക്ക് ആനയിക്കും. 20ന് കുന്ദമംഗലം ശ്രീ പത്മം ഓഡിറ്റോറിയത്തിലെ പൂഞ്ചോല പത്മനാഭൻ നഗറിൽ രാവിലെ 9 മണിക്ക് പതാക ഉയർത്തും. പിന്നീട് നടക്കുന്ന പ്രതിനിധി സമ്മേളനം സംസ്ഥാന സെക്രട്ടറി ഇ.എസ്. […]

പത്തനംതിട്ട: അംഗ പരിമിതര്‍ക്കായി ജില്ലയില്‍ പൊതുഇടങ്ങളില്‍ റാമ്പ് സൗകര്യങ്ങള്‍ ഏര്‍പ്പെടുത്തണമെന്നും അതിനായി ഒരു പ്രോജക്ട് തയ്യാറാക്കിയുമാണ് ജില്ലാ കളക്ടര്‍ പി.ബി നൂഹിനെ കാണുവാന്‍ കൊല്ലത്തുനിന്നും കൃഷ്ണകുമാര്‍ എത്തിയത്. പൊതുഇടങ്ങളില്‍ റാമ്പ് സൗകര്യങ്ങള്‍ ഏര്‍പ്പെടുത്തുന്നതിനായി മൊബിലിറ്റി ഇന്‍ ഡിസ്‌ട്രോപ്പി(മൈന്‍ഡ്) എന്ന തങ്ങളുടെ സംഘടന ഒരു പ്രോജക്ട് തയ്യാറാക്കിയത് കളക്ടര്‍ക്ക് നേരിട്ട് കൈമാറി കൃഷ്ണകുമാര്‍ വിശദീകരിച്ചു.കളക്ടറിലുള്ള വിശ്വാസം കൊണ്ടാണ് നേരിട്ട് എത്തിയതെന്നും കൃഷ്ണകുമാര്‍ പറഞ്ഞു. പ്രൊജക്ട് വാങ്ങി എല്ലാ ചോദിച്ചു മനസിലാക്കിയ കളക്ടര്‍ അത് നടപ്പിലാക്കാമെന്നും ഉറപ്പ് നല്‍കി. റാമ്പ് […]

”ഇനിയൊരു ഫാത്തിമ ഉണ്ടാവരുത് ” എന്ന ഒറ്റ ആവശ്യമേ മന്ത്രിയോട് ഉമ്മ സജിതയ്ക്ക് പറയാനുണ്ടായുരുന്നുള്ളു. ചെന്നൈ ഐ ഐ ടിയില്‍ മരണപ്പെട്ട ഫാത്തിമ ലത്തീഫിന്റെ വീട്ടില്‍ മന്ത്രി കെ ടി ജലീലിന്റെ സന്ദര്‍ശ വേളയിലായിരുന്നു പ്രതികരണം. ഫാത്തിമയുടെ സഹോദരി അയിഷ മന്ത്രിയോട് സംഭവങ്ങള്‍ വിവരിച്ചു. മരണത്തിന് തലേദിവസവും ഫാത്തിമ വീട്ടിലേക്ക് വിളിച്ചിരുന്നു. വീഡിയോ കോളില്‍ മുഖം ദുഖഭാവത്തിലാണ് കണ്ടത്. പഠനവുമായി ബന്ധപ്പെട്ട ക്ഷീണമാണെന്നാണ് പറഞ്ഞത്. പക്ഷെ…. വാക്കുകള്‍ പൂര്‍ണമാക്കാന്‍ അയിഷക്ക് ആയില്ല. ഉമ്മ സജിത പിന്നെ കേട്ടിരിക്കാന്‍ കൂട്ടാക്കിയില്ല. മകളുടെ […]

മൊയ്തീൻ കുട്ടി (52) കോരങ്കണ്ടി നിര്യാതനായി. ഭാര്യ – ആമിന പി.പി മക്കൾ- അജ്മൽ പി.പി അസ്ലിയ പി.പി അഫീല പി.പി മരുമകൻ – റിഷാദ് കാക്കുർ മയ്യത്ത് നിസ്കാരം കുന്ദമംഗലം സുന്നി മഹൽ ജുമാമസ്ജിദിൽ വൈകുന്നേരം 4 മണിക്ക്.

ശബരിമല മണ്ഡല-മകരവിളക്ക് തീര്‍ഥാടനത്തോട് അനുബന്ധിച്ച് വിശുദ്ധി സേനയുടെ ഈ വര്‍ഷത്തെ ശുചീകരണ പ്രവര്‍ത്തനങ്ങള്‍ ജില്ലാ കളക്ടര്‍ പി ബി നൂഹ് ഉദ്ഘാടനം ചെയ്തു. പമ്പ ഗണപതിക്കോവിലിനോട് ചേര്‍ന്നുള്ള ആഞ്ജനേയ ഓഡിറ്റോറിയത്തിലാണ് ഉദ്ഘാടനം നടന്നത്.വിശുദ്ധി സേനാംഗങ്ങള്‍ എല്ലാവരും അയ്യപ്പന്റെ അതിഥികളാണെന്നും സേനാംഗങ്ങളുടെ കഷ്ടപ്പാടിന്റെ ഫലമായാണ് അയ്യന്റെ പൂങ്കാവനം ഏറ്റവും ഭംഗിയായി നിലകൊള്ളുന്നതെന്നും അതിന്റെ അര്‍ഹത സേനക്ക്  മാത്രമുള്ളതാണെന്നും കളക്ടര്‍ പറഞ്ഞു. 900 വിശുദ്ധി സേനാംഗങ്ങളെയാണ് ഇത്തവണ ജില്ലയില്‍ വിന്യസിച്ചിരിക്കുന്നത്. തമിഴ്‌നാട്ടില്‍ നിന്നെത്തിയവരാണ് എല്ലാവരും. സന്നിധാനം 300, പമ്പ 205, നിലയ്ക്കല്‍ […]

ഇന്ത്യയിലെ നേപ്പാൾ അംബാസഡർ നിലാംബർ ആചാര്യയും നേപ്പാളിലെ ഇന്ത്യ അംബാസഡർ മഞ്ജീവ് സിങ് പുരിയും മുഖ്യമന്ത്രി പിണറായി വിജയനുമായി കൂടിക്കാഴ്ച നടത്തി. കേരളവും നേപ്പാളും തമ്മിൽ ടൂറിസം മേഖലയിൽ കൂടുതൽ സഹകരിക്കുന്നതിനെപ്പറ്റി അംബാസഡർമാർ മുഖ്യമന്ത്രിയുമായി സംസാരിച്ചു. കേരളത്തിന്റെ ആയുർവേദത്തിന് നേപ്പാളിൽ നല്ല സാധ്യതയുണ്ട്. നേപ്പാളിൽ സിനിമാ വ്യവസായം നല്ല നിലയിൽ വളരുകയാണ്. കടലും കായലും പുഴകളും നിറഞ്ഞ കേരളത്തിൽ സിനിമ ചിത്രീകരിക്കുന്നതിന് വലിയ സാധ്യതകളാണുള്ളതെന്നും അവർ പറഞ്ഞു. ബി.പി. കൊയ്‌രാള ഇന്ത്യ-നേപ്പാൾ ഫൗണ്ടേഷന്റെ പരിപാടിക്കായാണ് അംബാസഡർമാർ കേരളത്തിലെത്തിയത്.