കുന്ദമംഗലം: കാരന്തൂരിൽ ഹോട്ടലിൽ ഉണ്ടായ അക്രമത്തിൽ നാല് പേരെ വിവിധ സർർക്കാർ ആശുപത്രികളിൽ പ്രവേശിപ്പിച്ചു. കുന്ദമംഗലം പോലീസ് കേസ് അന്വേഷണം ആരംഭിച്ചു. അങ്ങാടിയിൽ പ്രവർത്തിക്കുന്ന ന്യൂ കേരള ഹോട്ടലിൽ ഒരു സംഘം ആളുകൾ എത്തി ജീവനക്കാരെയും ഹോട്ടലും അടടിച്ചു തകർക്കുകയായിരുന്നു. ഭക്ഷണത്തിന്റെ വിലയുമായി ബദ്ധപ്പെട്ട തർക്കമുണ്ടായിരുന്നു ഇതാണ് പിന്നീട് അക്രമത്തിന് കാരണമായത്.

നവംബർ 28 മുതൽ കാഞ്ഞങ്ങാട് നടക്കുന്ന 60-ാമത് കേരള സ്‌കൂൾ കലോത്സവത്തിൽ ഡ്യൂട്ടിയ്ക്ക് നിയോഗിച്ചിട്ടുള്ള മുഴുവൻ ജീവനക്കാരും വിധികർത്താക്കളും വിജിലൻസ് നിരീക്ഷണത്തിലായിരിക്കുമെന്ന് പൊതുവിദ്യാഭ്യാസ ഡയറക്ടർ അറിയിച്ചു. ഇതിനായി കലോത്സവത്തിന്റെ നടത്തിപ്പിന് നിയോഗിച്ചിട്ടുള്ള മുഴുവൻ ജീവനക്കാരുടെയും വിധികർത്താക്കളുടെയും മൊബൈൽ നമ്പരുകൾ വിജിലൻസ് വകുപ്പിന് കൈമാറിയിട്ടുണ്ടെന്നും അദ്ദേഹം പറഞ്ഞു.

ആലപ്പുഴ: സംസ്ഥാന പിന്നോക്ക വിഭാഗ വികസന കോർപ്പറേഷൻ ഈ വര്‍ഷം 500 കോടി രൂപയുടെ വായ്പ നല്‍കുമെന്ന് പട്ടികജാതി പട്ടികവർഗ്ഗ പിന്നോക്ക വിഭാഗ ക്ഷേമ വകുപ്പ് മന്ത്രി എ കെ ബാലൻ പറഞ്ഞു. കോർപ്പറേഷൻ ചേർത്തലയിൽ പുതുതായി ആരംഭിച്ച ഉപജില്ല ഓഫീസിന്‍റെ ഉദ്ഘാടനം നിർവഹിച്ചു സംസാരിക്കുകയായിരുന്നു മന്ത്രി. ഈ സർക്കാർ അധികാരത്തിൽ വരുമ്പോൾ വര്‍ഷം 250 കോടി രൂപയായിരുന്നു വായ്പയായി നൽകിയിരുന്നത്. അതാണ് ഇപ്പോൾ 500 കോടി രൂപയിലേക്ക് ഈ വർഷം ഉയർത്തുന്നത്. അടുത്ത വര്‍ഷം 1000 കോടി […]

അയ്യപ്പസ്വാമിയുടെ ഇഷ്ടപ്രസാദമായ അപ്പം-അരവണ വില്‍പ്പനയ്ക്ക് വിപുലമായ സൗകര്യങ്ങളാണ് ഇത്തവണയും സന്നിധാനത്ത് ഒരുക്കിയിട്ടുള്ളത്. സന്നിധാനത്തും മാളികപ്പുറത്തുമായി പത്ത് ക്യാഷ് കൗണ്ടറുകളാണ് അപ്പവും അരവണയും വില്‍ക്കാന്‍ ഒരുക്കിയിട്ടുള്ളത്. മൂന്ന് കൗണ്ടറുകളിലൂടെ ഓണ്‍ലൈന്‍ ബുക്ക് ചെയ്തവര്‍ക്കുള്ള വില്‍പ്പനയും നടക്കുന്നു. എ.ടി.എം. ഉപയോഗിച്ചും അരവണയും അപ്പവും വാങ്ങാന്‍ സൗകര്യമുണ്ട്. ഒരുദിവസം ശരാശരി ഒരുലക്ഷത്തി എണ്‍പതിനായിരത്തിലേറെ ടിന്‍ അരവണയും അറുപതിനായിരം കവര്‍ അപ്പവും വില്‍പ്പന നടക്കുന്നുണ്ടെന്ന് സ്‌പെഷ്യല്‍ ഓഫീസര്‍മാര്‍ അറിയിച്ചു. ഒരുകവറില്‍ ഏഴ് അപ്പമാണ് ഉണ്ടാവുക. ഇരുപത്തിയൊന്ന് ലക്ഷത്തി അറുന്നൂറ്റി അന്‍പത് ടിന്‍ അരവണയും […]

കേരള നിയമസഭയുടെ മുതിർന്ന പൗരൻമാരുടെ ക്ഷേമം സംബന്ധിച്ച സമിതി നവംബർ 27ന് രാവിലെ 11ന് പമ്പ ദേവസ്വം ഗസ്റ്റ് ഹൗസ് കോൺഫറൻസ് ഹാളിൽ യോഗം ചേരും.  യോഗത്തിൽ ശബരിമല ദർശനത്തിനെത്തുന്ന മുതിർന്ന പൗരൻമാർക്ക് ഏർപ്പെടുത്തിയ സൗകര്യങ്ങൾ സംബന്ധിച്ച് ബന്ധപ്പെട്ട ഉദ്യോഗസ്ഥരുമായി ചർച്ച നടത്തും. യോഗത്തിന് ശേഷം 2011-14 സമിതിയുടെ രണ്ടാമത് റിപ്പോർട്ടിലെയും 2016-19 ലെ ഒന്നാമത് റിപ്പോർട്ടിലെയും ഈ വിഷയവുമായി ബന്ധപ്പെട്ട ശിപാർശകൾ നടപ്പിലാക്കുന്നതിലെ പ്രവർത്തന പുരോഗതി സമിതി നേരിൽ വിലയിരുത്തും.