ഹെലികോപ്റ്റർ യാത്രയിലും മഴക്കെടുതിക്കിടയിലെ വിരുന്നിലും മുഖ്യമന്ത്രി വി.ഡി. സതീശൻ നൽകിയ മറുപടികൾ പ്രതീക്ഷിച്ചത് പോലെ തന്നെയാണെന്ന് പി. രാജീവ്. മുൻ മുഖ്യമന്ത്രി പിണറായി വിജയന്റെ ഹെലികോപ്റ്റർ യാത്രയെ വിമർശിച്ച വി.ഡി. സതീശന്റെ പഴയ നിലപാടുകൾ പൊതുസമൂഹത്തിന് മുന്നിലുണ്ടെന്ന് ചൂണ്ടിക്കാട്ടിയ അദ്ദേഹം, ഗ്യാലറിയിൽ ഇരുന്ന് പറയുന്നതുപോലെയല്ല ഗ്രൗണ്ടിൽ ഇറങ്ങി കളിക്കുന്നതെന്നും ഇൻവസ്റ്റേഴ്സുമായുള്ള കൂടിക്കാഴ്ചയുടെ വിശദാംശങ്ങൾ സർപ്രൈസ് ആയി പുറത്തു വരുമായിരിക്കുമെന്നും പി രാജീവ് പരിഹസിച്ചു. കേരളം വലിയ മഴക്കെടുതി അനുഭവിച്ചപ്പോൾ സത്കാരത്തിൽ പങ്കെടുത്തതിനെ ന്യായീകരിച്ച മുഖ്യമന്ത്രിയുടെ പ്രതികരണത്തെയും അദ്ദേഹം […]

കോഴിക്കോട്: ചെറുവണ്ണൂർ കമാന പാലത്തിന് സമീപം ട്രെയിൻ തട്ടി മരിച്ച നിലയിൽ കണ്ടെത്തിയ യുവാവിനെ തിരിച്ചറിഞ്ഞു. മലപ്പുറം ചേലേമ്പ്ര കൊളക്കാട്ടുചാലി സ്വദേശി ബൈജു ആണ് മരിച്ചത്. കമാന പാലത്തിന് സമീപം മംഗലാപുരം – ചെന്നൈ വെസ്റ്റ് കോസ്റ്റ് എക്സ്പ്രസ് തട്ടിയാണ് അപകടമുണ്ടായത്. വിവരമറിഞ്ഞ് സ്ഥലത്തെത്തിയ നല്ലളം പോലീസ് ഇൻക്വസ്റ്റ് നടപടികൾ പൂർത്തിയാക്കി മൃതദേഹം കോഴിക്കോട് മെഡിക്കൽ കോളേജ് ആശുപത്രി മോർച്ചറിയിലേക്ക് മാറ്റിയിരുന്നു. തുടർന്ന് നടത്തിയ അന്വേഷണത്തിലാണ് മരിച്ചയാളെ കുറിച്ചുള്ള വിവരങ്ങൾ ലഭ്യമായത്. നടപടിക്രമങ്ങൾക്ക് ശേഷം മൃതദേഹം ബന്ധുക്കൾക്ക് […]

ശബരിമലയിലേക്ക് നിലവാരം കുറഞ്ഞ നെയ്യ് കൈമാറിയെന്ന ആക്ഷേപങ്ങളും മിൽമയ്ക്കെതിരെയുള്ള ക്രമക്കേട് ആരോപണങ്ങളും പൂർണ്ണമായും തള്ളി മിൽമ ചെയർമാൻ കെ.എസ്. മണി. മിൽമ യാതൊരുവിധ ക്രമക്കേടും നടത്തിയിട്ടില്ലെന്നും ശബരിമലയിലേക്ക് അയച്ച നെയ്യ് മുൻകൂട്ടി പരിശോധിച്ച് ഉറപ്പുവരുത്തിയിരുന്നുവെന്നും അദ്ദേഹം വ്യക്തമാക്കി. മിൽമയുടെ നെയ്യ് ഇനി വേണ്ടെന്ന് ദേവസ്വം ബോർഡ് തീരുമാനമെടുത്തു എന്ന രീതിയിൽ പുറത്തുവരുന്ന വാർത്തകൾ തികച്ചും അടിസ്ഥാനരഹിതമാണെന്നും അദ്ദേഹം കൂട്ടിച്ചേർത്തു. ശബരിമലയിലേക്ക് നൽകിയ നെയ്യുടെ ഗുണനിലവാരത്തിൽ എന്തെങ്കിലും വ്യത്യാസമുള്ളതായി ദേവസ്വം ബോർഡ് ഇതുവരെ മിൽമയെ ഔദ്യോഗികമായി അറിയിച്ചിട്ടില്ല. കൈമാറിയ […]

കോഴിക്കോട്: ജില്ലയിൽ മഴക്കെടുതിയെ തുടർന്ന് വിവിധ താലൂക്കുകളിലായി പ്രവർത്തിക്കുന്ന ദുരിതാശ്വാസ ക്യാമ്പുകളിൽ 862 പേർ കഴിയുന്നു. ആകെ 30 ക്യാമ്പുകളിലായി 321 കുടുംബങ്ങളിലെ 308 പുരുഷന്മാരും 386 സ്ത്രീകളും 168 കുട്ടികളുമാണ് കഴിയുന്നത്. കോഴിക്കോട് താലൂക്കിലാണ് ഏറ്റവും കൂടുതൽ പേർ ക്യാമ്പുകളിൽ കഴിയുന്നത്. ഇവിടെ 24 ക്യാമ്പുകളിലായി 217 കുടുംബങ്ങളിൽ നിന്നുള്ള 600 പേരാണ് കഴിയുന്നത്. ഇതിൽ 233 പുരുഷന്മാരും 282 സ്ത്രീകളും 85 കുട്ടികളുമുണ്ട്. താമരശ്ശേരി താലൂക്കിലെ അഞ്ച് ക്യാമ്പുകളിലായി 59 കുടുംബങ്ങളിൽ നിന്നുള്ള 161 […]

ന്യൂ ഡൽഹി: നീറ്റ് ചോദ്യപേപ്പർ ചോർച്ചയ്‌ക്കെതിരെ രാജ്യവ്യാപകമായി നടന്ന പ്രതിഷേധങ്ങളിൽ പങ്കെടുത്ത വിദ്യാർത്ഥികൾക്കെതിരെ എടുത്ത എഫ്‌ഐആറുകൾ നിയമപ്രകാരം പിൻവലിക്കാൻ സംസ്ഥാന സർക്കാരുകൾക്ക് സ്വാതന്ത്ര്യമുണ്ടെന്ന് സുപ്രീം കോടതി വ്യക്തമാക്കി. ജൂലൈ 20-ന് ജന്തർ മന്തറിലുണ്ടായ വിദ്യാർത്ഥി പ്രതിഷേധങ്ങളുമായി ബന്ധപ്പെട്ട ഹർജികൾ പരിഗണിക്കവെയാണ് കോടതി ഇക്കാര്യം വ്യക്തമാക്കിയത്. മുൻ ഉത്തരവുകളിലെ അവ്യക്തത നീക്കിക്കൊണ്ടാണ് കോടതി ഈ നിർണായക നിലപാട് സ്വീകരിച്ചത്. കൊലപാതകം, ബലാത്സംഗം, ഭീകരവാദം തുടങ്ങിയ ഗുരുതരമായ കുറ്റകൃത്യങ്ങളിൽ ഏർപ്പെട്ടവർക്ക് മാത്രമേ “ക്രിമിനൽ പശ്ചാത്തലം” എന്ന പ്രയോഗം ബാധകമാകൂ എന്നും […]