കോഴിക്കോട് : കോവിഡ് ചികിത്സയിലായിരുന്ന നാലു മാസം പ്രായമുള്ള പിഞ്ചു കുഞ്ഞ് മരിച്ചു. മലപ്പുറം മഞ്ചേരി പയ്യനാട് സ്വദേശികളുടെ മകളാണ് മരണപെട്ടത്, ഇതോടെ സംസ്ഥാനത്ത് മരണം മൂന്നായി. കഴിഞ്ഞ ദിവസം കോഴിക്കോട് മെഡിക്കൽ കോളേജിൽ എത്തിച്ച കുഞ്ഞിന്റെ ആരോഗ്യ നിലയിൽ ആരോഗ്യ പ്രവർത്തകർ ആശങ്ക പ്രകടിപ്പിച്ചിരുന്നു.
കുഞ്ഞിനെ പരിശോധിച്ച മഞ്ചേരിയിലെ രണ്ട് ഡോക്ടർമാർ നിരീക്ഷണത്തിലാണ് ന്യുമോണിയ ബാധിച്ച കുഞ്ഞ് ജന്മനാ ഹൃദ് രോഗിയാണ്. രോഗം എവിടെ നിന്നും വന്നെന്നുള്ള കാര്യത്തിൽ വ്യകതമായിട്ടില്ല. കുഞ്ഞിന്റെ ബന്ധു വിദേശത്ത് നിന്നും വന്നിരുന്നെങ്കിലും കുട്ടിയുമായി ഇടപഴകിയിരുന്നില്ല. നിലവിൽ കുഞ്ഞിനെ ചികിത്സയുമായി ബന്ധപ്പെട്ട് യാത്ര ചെയ്തിരുന്നിടങ്ങൾ എല്ലാം പരിശോധനയ്ക്ക് വിധേയമാക്കും. ഇന്ത്യയിലെ തന്നെ ഏറ്റവും പ്രായം കുറഞ്ഞ കുട്ടികളുടെ കാര്യത്തിൽ സംഭവിക്കുന്ന രണ്ടാമത്തെ മരണമാണിത്. കുട്ടിയുടെ മാതാ പിതാക്കളുടെ പരിശോധന ഫലം ഇന്ന് വരാനിരിക്കുകയാണ് .
