കുന്ദമംഗലം: കുന്ദമംഗലം സ്റ്റാന്റില് സിറ്റി ട്രാഫിക്ക് പോലീസ് വാഹനമോടിക്കുന്നവര് ശ്രദ്ധിക്കേണ്ട വിഷയത്തില് ബോധവല്ക്കരണം നടത്തി. യാത്രക്കാര്ക്കും, പരിപാടിയില് കുട്ടികള്ക്കും പ്രതേക നോട്ടിസ് നല്കി. ട്രാഫിക്കില് നിന്നുള്ള കെ പ്രസാദ് നേതൃത്വം നല്കി. കുന്ദമംഗലത്തും പരിസരത്തും ആക്സിഡന്റുകള് പതിവാകുന്നതിന്റെ പശ്ചാത്തലത്തിലാണ് ബോധവല്ക്കരണം നടത്തിയത്. വര്ഷം തോറും നിരവധി പേരാണ് റോഡ് അപകടങ്ങളില് മരണപ്പെടുന്നതും പരിക്കുപറ്റിക്കിടക്കുന്നതും.
കോഴിക്കോട് : ജില്ലയില് പ്രളയം ഏറ്റവും കൂടുതല് ബാധിച്ച പഞ്ചായത്തുകളില് ഉള്പ്പെട്ട ഒളവണ്ണയിലും മാവൂരും ഹരിതകേരളം മിഷനും തൊഴില് നൈപുണ്യ വകുപ്പ് ഐ.ടി.ഐ യും ചേര്ന്നുള്ള ഉപകരണങ്ങളുടെ റിപ്പയര് ക്യാമ്പ് ആരംഭിച്ചു. ഇതിനോടൊപ്പം കേരള സ്റ്റേറ്റ് ഇലക്ട്രോണിക് സര്വ്വീസ് ടെക്നീഷ്യന്സ് അസോസിയേഷന്സ്, കേരള ഇലക്ട്രോണിക്സ് ടെക്നീഷ്യന്സ് യൂണിയന്, കണ്ണിപ്പറമ്പ് അജ്ഞലി ആര്ട്സ് ആന്റ് സ്പോട്സ് ക്ലബ് ടെക്നിക്കല് ഫോറം തുടങ്ങിയവരുടെ സഹകരണത്തോടെയാണ് പരിപാടി സംഘടിപ്പിക്കുന്നത്. ടെക്നീഷ്യന്സ് അസോസിയേഷന്റെ തൃശൂര്, കാസര്ഗോഡ്, മലപ്പുറം ജില്ലകളില് നിന്നുമുള്ള പ്രവര്ത്തകരും ക്യാമ്പിലുണ്ട്. […]
തിരഞ്ഞെടുപ്പ് കമ്മീഷന്റെ നിര്ദ്ദേശ പ്രകാരം 01.01.2020 യോഗ്യതാ തീയതിയായി നിശ്ചയിച്ചുകൊണ്ട് വോട്ടര്പട്ടികയില് പേര് ചേര്ക്കുന്നതിനും തെറ്റുകള് തിരുത്തി വോട്ടര്പട്ടിക ശുദ്ധീകരിക്കുന്നതിനും പ്രത്യേക വോട്ടര്പട്ടിക പുതുക്കല് 2020 (സ്പെഷ്യല് സമ്മറി റിവിഷന് 2020) ന്റെ പ്രവര്ത്തനങ്ങള് കോഴിക്കോട് ജില്ലയില് ആരംഭിച്ചു. ഇതിനായി ജില്ലയിലെ അംഗീകൃത രാഷ്ട്രീയപാര്ട്ടി പ്രതിനിധികളുടെ യോഗം ആഗസ്റ്റ് 17 ന് കലക്ടറേറ്റില് ചേര്ന്ന് റിവിഷന് പ്രവര്ത്തനങ്ങള് സംബന്ധിച്ച് വിശദീകരിച്ചിരുന്നു. റിവിഷന് പ്രവര്ത്തനങ്ങള് സുഗമവും കാര്യക്ഷമവുമായി നടപ്പിലാക്കുന്നതിനും സമയബന്ധിതമായി പൂര്ത്തിയാക്കുന്നതിനും എല്ലാ ഇലക്ടറല് രജിസ്ട്രേഷന് ഓഫീസര്മാര്ക്കും തഹസില്ദാര്മാര്ക്കും […]
ന്യൂഡല്ഹി: പ്രമുഖ ബിസ്ക്കറ്റ് നിര്മ്മാതാക്കളായ പാര്ലെ സാമ്പത്തിക പ്രതിസന്ധിയെ തുടർന്ന് 10,000 തൊഴിലാളികളെ പിരിച്ചുവിടുന്നു. ഉത്പാദനം കുറയ്ക്കുന്നതിനെ തുടര്ന്നാണ് ജീവനക്കാരെ പിരിച്ചുവിടുന്നതെന്ന് കമ്പനി എക്സിക്യൂട്ടീവ് പറഞ്ഞു. രാജ്യം സാമ്പത്തിക മാന്ദ്യത്തിലൂടെ കടന്നുപോകുന്നതോടെ കാര് നിര്മ്മാതാക്കള് മുതല് ചെറുകിട കച്ചവടക്കാര് വരെ പ്രതിസന്ധിയിലാണ്. ബിസ്ക്കറ്റ് വില്പ്പന കുത്തനെ ഇടിഞ്ഞതോടെ പാര്ലെ ഉത്പാദനവും വെട്ടിക്കുറച്ചിരുന്നു. സര്ക്കാര് അടിയന്തരമായി ഇടപെട്ടില്ലെങ്കില് കമ്പനി തന്നെ ഇല്ലാതാകുമെന്ന് കാറ്റഗറി മേധാവി മായങ്ക് ഷാ പറഞ്ഞു.
കുന്നമംഗലം: കുന്ദമംഗലം ഗ്രാമപഞ്ചായത്ത് ഇരുപത്തിമൂനാം വാര്ഡില്. പന്തീര്പാടം പ്രദേശത്ത് പ്രളയനന്തര പകര്ച്ചവ്യാധികള് തടയുന്നതിന് വേണ്ടി വാര്ഡ് മെമ്പര് എം ബാബുമോന്റെ നേതൃത്വത്തില് വീടുകളും ഫ്ലാറ്റുകളും കയറി പരിശോധനയും ബോധവത്കരണവും നടത്തി. പരിപാടിയില് ജൂനിയര് ഹെല്ത്ത് ഇന്സ്പെക്ടര് ഷിജിത മാത്യു. സുമ അമ്പലപ്പറമ്പില്. ജെസി യൂ കെ. റീന സി എം. ബീവി ഒ. മിനി കെ സി. സത്യബേബി സി. ബിന്സി സി. ലീല എം സി. സുശീല എം സി. തുടങ്ങിയവര് പങ്കെടുത്തു
പെരുവയല്: മഹാപ്രളയത്തെതുടര്ന്ന് കുമിഞ്ഞുകൂടിയ മാലിന്യങ്ങള് നീക്കം ചെയ്യുന്നതിന് പെരുവയല് ഗ്രാമപഞ്ചായത്തില് നടത്തിയ ഏകദിനയജ്ഞത്തില് നാല്പ്പത് ടൺ മാലിന്യങ്ങൾ ശേഖരിച്ചു. ജൈവ മാലിന്യങ്ങള് കുഴിച്ചുമൂടുകയും പ്ലാസ്റ്റിക് ഉള്പ്പെടെയുള്ള അജൈവ മാലിന്യങ്ങള് ശേഖരിച്ച് സംഭരണകേന്ദ്രത്തിലേക്ക് മാറ്റുകയും ചെയ്തു. ഇവ പിന്നീട് റീ സൈക്ലിംഗ് യൂണിറ്റിലേക്ക് നീക്കും. ജനപ്രതിനിധികള്,ഗ്രാമപഞ്ചായത്ത് ഓഫീസിലെ ജീവനക്കാര്, തൊഴിലുറപ്പ് തൊഴിലാളികള്, ഹരിതകര്മ്മസേന അംഗങ്ങള്, കുടുംബശ്രീ പ്രവർത്തകര് എന്നിവരുടെ നേതൃത്വത്തിലാണ് പ്രവര്ത്തനം നടന്നത്. വാര്ഡ് തലങ്ങളില് ഇന്നലെ കാലത്ത് ആരംഭിച്ച പ്രവര്ത്തനം വൈകുവോളം നീണ്ടു. വളരെ കുറച്ച് മാലിന്യങ്ങള് […]
കനത്ത മഴയും മണ്ണിടിച്ചിലും ഉണ്ടായതിനെ തുടർന്ന് ഹിമാചല് പ്രദേശില് കുടുങ്ങിയ നടി മഞ്ജു വാരിയരും സംഘവും ഇന്ന് മടങ്ങില്ല. സനൽകുമാർ ശശിധരൻ സംവിധാനം ചെയ്യുന്ന ‘കയറ്റം” എന്ന സിനിമയുടെ ചിത്രീകരണത്തിനാണ് മഞ്ജു വാരിയരും സംഘവും മണാലിയിലെ ഛത്രുവിൽ എത്തിയത്. നാളെ രാവിലെ തന്നെ മടങ്ങുമെന്നും ഷൂട്ടിംഗിന് കുറച്ചു സമയം കൂടി വേണമെന്നും സംഘം, ജില്ലാ കളക്ടറോട് ആവശ്യപ്പെട്ടു. മഞ്ജുവിന്റെ സഹോദരൻ മധു വാര്യർ ആണ് വിവരം പുറം ലോകത്തെ അറിയിച്ചത്. ഹൈബി ഈഡൻ അടക്കമുള്ളവരുടെ ഇടപെടൽ പെട്ടന്ന് […]
തിരുവനന്തപുരം: ഓണപരീക്ഷ മാറ്റിവച്ചു. സെപ്റ്റംബര് രണ്ടിന് നടത്തേണ്ട പരീക്ഷയാണ് സെപ്റ്റംബര് ആറിലേക്ക് മാറ്റിവച്ചിരിക്കുന്നത്. സെപ്റ്റംബര് രണ്ടാം തീയതി കാസര്ഗോഡ് ജില്ലയില് പ്രാദേശിക അവധി ആയതിനാലാണ് പരീക്ഷ മാറ്റിവച്ചിരിക്കുന്നത്. അതേസമയം മറ്റ് ദിവസങ്ങളിലെ പരീക്ഷകള്ക്ക് യഥാസമയം തന്നെ നടക്കും ഓഗസ്റ്റ് 26 മുതലാണ് സംസ്ഥാനത്തെ സ്കൂളുകളില് ഒണപ്പരീക്ഷ ആരംഭിക്കുന്നത്. സെപ്റ്റംബര് രണ്ടിന് സ്കൂളുകളില് ഓണാഘോഷ പരിപ്പാടികള് നടത്താനും പൊതു വിദ്യാഭ്യാസ വകുപ്പ് നിര്ദ്ദേശം നല്കിയിട്ടുണ്ട്. മഴക്കെടുതിയുടെ പശ്ചാത്തലത്തില് ആര്ഭാടങ്ങള് ഒഴിവാക്കി ഓണാഘോഷ പരിപാടികള് സംഘടിപ്പിക്കാനാണ് മന്ത്രിസഭാ യോഗം തീരുമാനിച്ചിരിക്കുന്നത്.
പ്രശസ്ത പത്രപ്രവർത്തകനും മുസ്ലിം ലീഗിന്റെ അമരക്കാരനുമായിരുന്ന റഹീം മേച്ചേരിയുടെ ഓർമ്മ ദിനത്തിൽ അനുഭവങ്ങൾ പങ്കു വെക്കുകയാണ് സഹപ്രവർത്തകനും കുന്ദമംഗലം ന്യൂസ് ഡോട്ട് കോം ചീഫ് എഡിറ്ററുമായ സിബ്ഗത്തുള്ള. വർഷങ്ങൾ ഏറെ കഴിഞ്ഞിട്ടും മേച്ചേരിയുടെ മരിക്കാത്ത ഓർമ്മകൾ ഇന്നും ഇദ്ദേഹത്തിന്റെ ഹൃദയത്തിൽ നിറഞ്ഞിരിക്കുന്നു. 2004 ആഗസ്റ്റ് 21 മരിക്കാത്ത ഓർമ്മകളുടെ ദിനമായി ഇന്നും ഈ സഹ പ്രവർത്തകൻ ഓർക്കുന്നു. പത്രക്കെട്ടുമായി പോകുന്ന വാഹനത്തിൽ കയറി വീട്ടിലേക്ക് പോവുകയായിരുന്ന പത്രാധിപൻ വാഹന അപകടത്തിൽ പെട്ട് മരിക്കുകയായിരുന്നു. അപകട വാർത്ത അറിഞ്ഞു […]
കേരളത്തില് രജിസ്റ്റര് ചെയ്യുന്ന ഇലക്ട്രിക് ഓട്ടോറിക്ഷകള്ക്ക് 30,000 രൂപ സബ്സിഡി നൽകുമെന്ന് സംസ്ഥാന സര്ക്കാര്. ഇതുമായി ബന്ധപ്പെട്ട നിര്ദേശം ഗതാഗത സെക്രട്ടറി കെ.ആര്. ജ്യോതിലാല് പുറത്തിറക്കി. സംസ്ഥാനത്ത് 42 ഇലക്ട്രിക് ഓട്ടോകള് ഇതുവരെ രജിസ്റ്റര് ചെയ്തിട്ടുണ്ട്. വാഹനങ്ങളുടെ രേഖകള് നല്കിയാല് ഉടമയുടെ ബാങ്ക് അക്കൗണ്ടിലേക്ക് ട്രാന്സ്പോര്ട്ട് കമ്മീഷണറുടെ ഓഫീസില് നിന്നു നേരിട്ടാണ് പണം നല്കുക. അതേസമയം റോഡ് നികുതിയിനത്തില് 50 ശതമാനം ഇളവും ലഭിക്കും. തിരുവനന്തപുരം, കൊച്ചി, കോഴിക്കോട് നഗരങ്ങളില് 2000 ഇലക്ട്രിക് ഓട്ടോകള്ക്കുകൂടി അനുമതി ലഭിച്ചിട്ടുണ്ട്.
