കൊറോണ വൈറസ്; സംസ്ഥാനത്ത് 288 പേര് നിരീക്ഷണത്തില്
ചൈനയില് ഭീതിപടര്ത്തിയ കൊറോണ വൈറസ് പടരുന്ന പശ്ചാത്തലത്തില് സംസ്ഥാനത്ത് 288 പേര് നിരീക്ഷണത്തില്. കൊച്ചിയില് മൂന്ന് പേരും തിരുവനന്തപുരം, ആലപ്പുഴ, പത്തനംതിട്ട, തൃശൂര് ജില്ലകളില് ഒരാള് വീതവുമാണ് ആശുപത്രികളിലുള്ളത്. നിരീക്ഷണത്തിലുള്ളവരുടെ ആരോഗ്യനില തൃപ്തികരമാണെന്ന് ആരോഗ്യ വകുപ്പ് അറിയിച്ചു. ഇന്നലെ മാത്രം 109 പേരാണ് ചൈനയില് നിന്ന് കേരളത്തിലെത്തിയത്. വീടുകളില് നിരീക്ഷണത്തിലുള്ളവര്ക്ക് രോഗലക്ഷണമില്ലെങ്കിലും മുന്കരുതലിന്റെ ഭാഗമായാണ് നടപടി. മടങ്ങിയെത്തിയവരില് വൂഹാന് സര്വകലാശാലയിലെ രണ്ട് വിദ്യാര്ത്ഥികളുമുണ്ട്.
