കുറ്റിപ്പുറം: ദേശീയപാതയിൽ കുറ്റിപ്പുറം റെയിൽവേ മേൽപാലത്തിനു സമീപം സ്വകാര്യ ബസ് ഡിവൈഡറിലിടിച്ച് തലകീഴായി മറിഞ്ഞ അപകടത്തിന് പ്രധാന കാരണം വളവിൽ വേഗത കുറയ്ക്കാതിരുന്നതാണെന്ന് അന്വേഷണ റിപ്പോർട്ട്. മഴയെ തുടർന്ന് റോഡിൽ രൂപപ്പെട്ട വെള്ളക്കെട്ടിലൂടെ അമിതവേഗത്തിൽ സഞ്ചരിച്ച ബസ് ബ്രേക്ക് ചെയ്തപ്പോൾ ടയറുകൾക്ക് റോഡുമായുള്ള പിടിവിട്ട് ഹൈഡ്രോപ്ലെയ്നിങ് സംഭവിക്കുകയും തുടർന്ന് വാഹനം നിയന്ത്രണം വിട്ട് മറിയുകയുമായിരുന്നെന്നാണ് കണ്ടെത്തൽ. അപകടസ്ഥലം ചെറിയ ചെരിവും വളവും കൂടിയ ഭാഗമാണ്. എതിർദിശയിൽ നിന്നെത്തുന്ന മഴവെള്ളവും ഡ്രൈനേജ് വഴി ഒഴുകിയെത്തിയ വെള്ളവും ചേർന്ന് റോഡിൽ […]

കടലുണ്ടി: ബേപ്പൂരിൽ നിന്ന് മത്സ്യബന്ധനത്തിന് പോയ ബോട്ട് എൻജിൻ തകരാറിലായി കടലിൽ കുടുങ്ങി. ബോട്ടിലുണ്ടായിരുന്ന 17 മത്സ്യത്തൊഴിലാളികളെയും സാഹസികമായി രക്ഷപ്പെടുത്തി. ചാലിയം കപ്പലങ്ങാടി ഭാഗത്ത് വെച്ചാണ് ബോട്ട് അപകടത്തിൽപ്പെട്ടത്. മത്സ്യബന്ധനം കഴിഞ്ഞ് മടങ്ങുകയായിരുന്ന ബോട്ടിന്റെ എൻജിൻ ശക്തമായ തിരമാലകൾക്കിടയിൽ തകരാറിലാവുകയായിരുന്നു എന്നാണ് പ്രാഥമിക നിഗമനം. കൂറ്റൻ തിരമാലകളിൽ പെട്ട് ആടിയുലഞ്ഞ ബോട്ട് തീരത്തോട് അടുത്തെങ്കിലും കരയിലേക്ക് കയറ്റാനാവാതെ ആടിയുലഞ്ഞു. തുടര്‍ന്ന് പ്രദേശവാസികളും മറ്റ് മത്സ്യത്തൊഴിലാളികളും ചേര്‍ന്ന് നടത്തിയ രക്ഷാപ്രവർത്തനത്തിലാണ് ബോട്ടിനുള്ളിലുണ്ടായിരുന്ന 17 പേരെയും സുരക്ഷിതമായി കരയ്‌ക്കെത്തിച്ചത്. കടലിൽ […]