കണ്ണൂർ : ഇരിട്ടിയിൽ നിരീക്ഷണത്തിലിരിക്കെ പിറന്നാളാഘോഷം സംഘടിപ്പിച്ച യുവാവിന് കൊവിഡ് സ്ഥിരീകരിച്ചു. ഇയാളുടെ പിറന്നാൾ ആഘോഷത്തിൽ പങ്കെടുത്ത 20 പേർ നിരീക്ഷണത്തിൽ പ്രവേശിപ്പിച്ചു. കഴിഞ്ഞ ദിവസം ബംഗളൂരുവിൽ നിന്ന് എത്തിയ യുവാവ് ആരോഗ്യ വകുപ്പിന്റെ നിർദ്ദേശങ്ങൾ ലംഘിച്ച് തൊട്ടടുത്തുള്ള കടകളിലും മറ്റും കയറി ഇറങ്ങിയതായും സ്ഥിരമായി സന്ദർശിച്ചതായും വിവരം ലഭ്യമായി ഇതേ തുടർന്ന് പൊലീസ് യുവാവിന് എതിരെ കേസെടുത്തു.
ഇയാളുടെ കുടുംബത്തിന് എതിരേയും നിയമ നടപടി ഉണ്ടായേക്കും. കുത്തുപറമ്പിലെ വ്യാപാരികളുമായി ഇയാൾക്ക് ബന്ധപ്പെട്ടിട്ടുണ്ടെന്നും വിവരങ്ങൾ ലഭിച്ചു. ഇത് കൂടുതൽ ആശങ്ക ചെലുത്തുന്നുണ്ട് . ഇയാൾക്ക് കൊവിഡ് സ്ഥിരീകരിച്ചതോടെ ഇരിട്ടി ടൗൺ ഉൾപ്പെടുന്ന പ്രദേശം കർശന നിയന്ത്രണത്തിലേക്ക് കടക്കുകയാണ്. കൂളിച്ചെമ്പ്രാ 13ാം വാർഡിലാണ് യുവാവിന്റെ വീട്.
