സേവനാവകാശ നിയമം സംബന്ധിച്ച് നിയമസഭ സബോര്ഡിനേറ്റ് കമ്മറ്റി ഒക്ടോബര് 22 ന് രാവിലെ 11 മണിക്ക് കോഴിക്കോട് കലക്ട്രേറ്റ് കോണ്ഫറന്സ് ഹാളില് യോഗം ചേരും. യോഗത്തില് സേവനാവകാശ ചട്ടങ്ങള് നടപ്പാക്കുന്നത് സംബന്ധിച്ച് റവന്യൂ, തദ്ദേശ സ്വയംഭരണം, കൃഷി വകുപ്പ് ഉദ്യോഗസ്ഥരുമായി ചര്ച്ച നടത്തുകയും പൊതുജനങ്ങളില് നിന്ന് നിര്ദേശങ്ങള് സ്വീകരിക്കുകയും ചെയ്യും.
2012 ലെ സംസ്ഥാന സേവനാവകാശ നിയമത്തിന്റെ കീഴില് വരുന്ന 750/2012, 751 / 2012 എന്നീ എസ്ആര്ഒ കളുടെ അടിസ്ഥാനത്തില് സേവനാവകാശ ചട്ടങ്ങള് നടപ്പാക്കുന്നതു സംബന്ധിച്ചാണ് ചര്ച്ച നടത്തുക. സമിതി ആവശ്യപ്പെടുന്ന വിവരങ്ങള് ബന്ധപ്പെട്ട ജില്ലാതല ഉദ്യോഗസ്ഥര് ലഭ്യമാക്കണം.
പരാതി പരിഹാര അദാലത്ത് മാറ്റി വെച്ചു
ഒക്ടോബര് 19 ന് നടത്താനിരുന്ന കോഴിക്കോട് താലൂക്ക് തല പരാതി പരിഹാര അദാലത്ത് നവംബര് രണ്ടിലേക്ക് മാറ്റിവെച്ചതായി ജില്ലാ കലക്ടര് അറിയിച്ചു. നവംബര് രണ്ടിന് രാവിലെ 10 മണി മുതല് കോഴിക്കോട് കലക്ടറേറ്റ് കോണ്ഫറന്സ് ഹാളിലാണ് അദാലത്ത് നടത്തുക. സിഎംഡിആര്എഫ്-എല്ആര്എം കേസുകള്, റേഷന്കാര്ഡ് സംബന്ധിച്ച പരാതികള്, സ്റ്റാറ്റിയൂട്ടറി ആയി ലഭിക്കേണ്ട പരിഹാരം എന്നിവ ഒഴിച്ചുളള പരാതികള്/അപേക്ഷകള് എന്നിവ അദാലത്തില് ജില്ലാ കലക്ടര്ക്ക് നേരിട്ട് സമര്പ്പിക്കാം.