ഇന്ന് കേരള പിറവി മലയാളിപ്പെരുമയ്ക്ക് ഇന്ന് 64 വയസ്;
1956 നവംബർ 1. ഔദ്യോഗികമായി കേരള സംസ്ഥാനം പിറവിയെടുത്ത ദിനം. കോവിഡെന്ന മഹാമാരി തീർത്ത പ്രതിസന്ധികൾക്കിടയിലാണ് കേരളത്തിന്റെ 64–ാം പിറന്നാൾ. മഹാമാരിയുടെ ദുരിതക്കടൽ കടന്ന് പുതുപ്രതീക്ഷകളുടെ തീരമണയാൻ മലയാളികൾ കരുതലോടെ ഒറ്റക്കെട്ടായി നിന്ന കാലം കൂടിയാണിത്. കഴിഞ്ഞ പത്തു മാസത്തിനിടെ നാം അതിജീവനത്തിന്റെ പാതയിലാണ്. ഈ പ്രതിസന്ധികളിൽനിന്നുള്ള കരകയറ്റത്തിന്റെ കരുത്തും കാരുണ്യവും നന്മയും നിറഞ്ഞ ചില നിറവാർന്ന ഓർമകളിൽ കുറിക്കാം നമുക്കു മറ്റൊരു പുതുകേരളപ്പിറവി.