തിരുവനന്തപുരം: കെഎസ്യു ഡിജിപി ഓഫീസ് മാര്‍ച്ചിനിടെ പൊലീസിന് നേരെ മുളക് പൊടി പ്രയോഗവും ഗോലിയേറും നടന്നെന്ന് ആരോപണം. മുട്ടത്തോടിനകത്ത് മുളകുപൊടി നിറച്ചാണ് പ്രയോഗിച്ചെന്നാണ് കരുതുന്നത്. അവശിഷ്ടങ്ങള്‍ റോഡില്‍ നിന്നും കണ്ടെടുത്തു. ബോധപൂര്‍വ്വം സംഘര്‍ഷമുണ്ടാക്കാന്‍ കെഎസ്യു ശ്രമിച്ചെന്ന് പൊലീസ് ആരോപിച്ചു. പൊലീസിന്റെ ഫൈബര്‍ ലാത്തിയും തകര്‍ന്നിട്ടുണ്ട്. കെഎസ്യു പ്രവര്‍ത്തകരെ മര്‍ദ്ദിക്കുന്നതിനിടെയാണ് ലാത്തി തകര്‍ന്നത്. അതിന്റേയും അവശിഷ്ടങ്ങള്‍ റോഡില്‍ ഉണ്ട്. ഭാരമുള്ള ഗോലികളും പ്രദേശത്ത് നിന്നും പൊലീസ് കണ്ടെടുത്തു. തങ്ങളെ അക്രമിക്കാന്‍ കെഎസ്യു പ്രവര്‍ത്തകര്‍ കരുതിയതാണ് ഇതെന്ന് പൊലീസ് ആരോപിച്ചു.

വണ്ടിപ്പെരിയാറില്‍ 6 വയസുകാരിയെ പീഡിപ്പിച്ച് കൊലപെടുത്തിയ കേസില്‍ പ്രതി അര്‍ജുന്‍ തന്നെയെന്ന് അന്വേഷണ ഉദ്യോഗസ്ഥന്‍ സി.ഐ. ടി.ഡി. സുനില്‍കുമാര്‍. അന്വേഷണത്തില്‍ വീഴ്ച പറ്റിയിട്ടില്ലെന്നും കുട്ടി കൊല്ലപ്പെട്ട ദിവസം രാത്രി തന്നെ വീട്ടില്‍ പോയിരുന്നു എന്നും അന്വേഷണ ഉദ്യോഗസ്ഥന്‍ പറഞ്ഞു. അതേസമയം, പോക്‌സോ കേസില്‍ പ്രതിയെ വെറുതെവിട്ട വിധിയ്‌ക്കെതിരെ ഹൈക്കോടതിയില്‍ അപ്പീല്‍ നല്‍കുമെന്ന് പ്രോസിക്യൂട്ടര്‍ സുനില്‍ മഹേശ്വരന്‍. ശ്വാസംമുട്ടിച്ച് കൊലപ്പെടുത്തിയതാണെന്ന് കോടതി കണ്ടെത്തി, എന്നാല്‍ സാക്ഷിമൊഴിയിലെ ചെറിയ വ്യത്യാസം പോലും കോടതി വലുതായി കണ്ടു. അന്വേഷണത്തില്‍ പാളിച്ചയെന്ന ആരോപണം […]