മാവൂര്‍: അരയങ്കോട് ദയ സാംസ്‌കാരിക വേദിയുടെ പ്രവര്‍ത്തനങ്ങള്‍ മാതൃകാപരമാണെന്ന് അഡ്വ. പി ടി എ റഹീം എം എല്‍ എ പറഞ്ഞു. അരയങ്കോട് ദയ സാംസ്‌കാരിക വേദിയുടെ മൂന്നാം വാര്‍ഷികം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. മാരക രോഗങ്ങള്‍മൂലം ബുദ്ധിമുട്ട് അനുഭവിക്കുന്നവരെ ചേര്‍ത്തുപിടിക്കുന്നതോടൊപ്പം സ്വന്തമായി കിടപ്പാടമില്ലാത്ത മൂന്ന് കുടുംബങ്ങള്‍ക്ക് വീട് വയ്ക്കാന്‍ ഭൂമി നല്‍കിയ സംഘടനയുടെ പ്രവര്‍ത്തനം ശ്ലാഘനീയമാണ്. ഇത്തരം പ്രവര്‍ത്തനങ്ങളും കൂട്ടായ്മകളും ഓരോ പ്രദേശത്തുമുണ്ടാവേണ്ടത് കാലഘട്ടത്തിന്റെ ആവശ്യമാണെന്നും അദ്ദേഹം പറഞ്ഞു. ഖത്തര്‍ സംസ്‌കൃതി പ്രസിഡന്റും ലോക […]

കുന്ദമംഗലം: കേന്ദ്ര സര്‍ക്കാറിന്റെ പക പോക്കലിനെതിരെ ക്ഷേമ കേരള സംരക്ഷണത്തിന് കേരള കര്‍ഷക തൊഴിലാളി യൂണിയന്‍ നേതൃത്വത്തില്‍ കുന്ദമംഗലത്ത് ‘പാവങ്ങളുടെ പടയണി’ പഞ്ചായത്ത് തല സംഗമം സംഘടിപ്പിച്ചു. കെ എസ് കെ ടി യു ജില്ലാ വൈസ് പ്രസിഡണ്ട് കെ ബാബു ഉദ്ഘാടനം ചെയ്തു. എം എം സുധീഷ് കുമാര്‍ സ്വാഗതവും,കെ ഗംഗാധരന്‍ അധ്യക്ഷതയും വഹിച്ചു. ഏരിയാ പ്രസിഡണ്ട് കെ എം ഗണേശന്‍, ടി ശിവാനന്ദന്‍ തുടങ്ങിയവര്‍ സംസാരിച്ചു. രവീന്ദ്രന്‍ പാറപ്പുറത്ത് നന്ദി പറഞ്ഞു.

കോഴിക്കോട്: കുന്ദമംഗലം ആനപാറയില്‍ കാറ് ബൈക്കില്‍ ഇടിച്ചുണ്ടായ അപകടത്തില്‍ ഒരാള്‍ മരിച്ചു. ബൈക്ക് യാത്രികനാണ് മരിച്ചത്. പൂളകോട് നായര്‍കുഴി അമ്മാനംകൂട്ടില്‍ വീട്ടില്‍ ഷാജി (52) ആണ് മരിച്ചത്. ഷാജി മകളെ കോളേജില്‍ ഇറക്കി തിരിച്ച് പോകുമ്പോഴാണ് അപകടം സംഭവിച്ചത്. കാറ് ബൈക്കില്‍ ഇടിച്ചതിന് ശേഷം ടിപ്പര്‍ലോറിയില്‍ ഇടിച്ചാണ് നിന്നത്. ഇന്ന് രാവിലെയാണ് അപകടം. കാര്‍ ഡ്രൈവര്‍ ഉറങ്ങി പോയതാണെന്നാണ് പ്രാഥമിക വിവരം. മൃതദേഹം മെഡിക്കല്‍ കോളേജ് ആശുപത്രിയിലെ മോര്‍ച്ചറിയിലേക്ക് മാറ്റി.

താമരശ്ശേരി: വന്യജീവി ആക്രമണത്തിനെതിരെ പ്രതിഷേധവുമായി താമരശ്ശേരി അതിരൂപത. രൂപതാ ആസ്ഥാനത്ത് നിന്ന് താമരശ്ശേരി നഗരത്തിലേക്കാണ് പ്രതിഷേധ പ്രകടനം. വിഷയത്തില്‍ സര്‍ക്കാര്‍ അടിയന്തര നടപടി സ്വീകരിക്കണമെന്നും കര്‍ഷകരുടെ ജീവനും സ്വത്തിനും സംരക്ഷണം നല്‍കണമെന്നും താമരശ്ശേരി അതിരൂപത ആവശ്യപ്പെട്ടു. വന്യജീവി ആക്രമണത്തില്‍ സര്‍ക്കാരിനെതിരെ വിമര്‍ശനവുമായി കേന്ദ്രമന്ത്രി വിമുരളീധരന്‍ രംഗതെത്തി. രാഹുല്‍ ഗാന്ധി ഇപ്പോഴെങ്കിലും മണ്ഡലത്തില്‍ എത്തിയത് നല്ലതാണെന്നും ഇനി മുഖ്യമന്ത്രി വയനാട്ടിലെത്തണമെന്നും മുരളീധരന്‍ ചോദിച്ചു. മാനന്തവാടി മെഡിക്കല്‍ കോളേജിന്റെ ബോര്‍ഡ് വെറുതെ വച്ചതാണോ എന്ന് ചോദിച്ച കേന്ദ്രമന്ത്രി, വനംമന്ത്രി ഗസ്റ്റ് […]

കുന്ദമംഗലം: ഡല്‍ഹിയില്‍നടന്ന വാല്‍ കോ ഇന്ത്യ ഇന്റ്‌റര്‍ നാഷണല്‍ കിക്ക് ബോക്‌സ് ചാമ്പ്യന്‍ഷിപ്പില്‍ ഇന്ത്യക്ക് വേണ്ടി വെങ്കല മെഡല്‍ കരസ്ഥമാക്കിയ ദേവിക്.എം.വി.ക്ക്പെരിങ്ങൊളം കോണ്‍ഗ്രസ്സ് കമ്മറ്റി അനുമോദിച്ചു.കെ.പി.സി.സി. രാഷ്ട്രീയ കര്യസമതി അംഗം എന്‍.സുബ്രമണ്യന്‍ പരിപാടി ഉദ്ഘാടനം ചെയ്തു. പെരുവയല്‍ മണ്ഡലം കോണ്‍ഗ്രസ്സ് പ്രസിഡണ്ട് വി.സി. സേതുമാധവന്‍, കൊണിയഞ്ചേരി രാധാകൃഷ്ണന്‍,ശബരിഷ് പെരിങ്ങൊളം, ബിന്ദു, ഹരിദാസ് കണ്ണംമ്പത്ത്, ഷിജേഷ് മാങ്കുനി ,സിലാം ചോലക്കല്‍, ലതാനന്ദിനി എന്നിവര്‍ പ്രസംഗിച്ചു.പ്രസന്റേഷന്‍സ്‌ക്കൂളിലെആറാംക്ലാസ്വിദ്യാര്‍ത്ഥിയായഎം.വി. ദേവിക് പെരിങ്ങൊളം കറുപ്പന്‍വീട് രാജേഷിന്റെയുംദിഷീനയുടെയും മകനാണ്.

കുന്ദമംഗലം: സംസ്ഥാന വ്യാപാരി വ്യവസായി കുന്ദമംഗലം ഏരിയ കമ്മിറ്റി ചാരിറ്റബിള്‍ ട്രസ്റ്റ് കണ്‍വന്‍ഷന്‍ ചാത്തമംഗലം പഞ്ചായത്ത് പ്രസിഡണ്ട് ഓളിക്കല്‍ ഗഫൂര്‍ ഉദ്ഘാടനം ചെയ്തു. ചാത്തമംഗലം യൂണിറ്റില്‍ മരണമടഞ്ഞ മൂന്ന് കുടുംബങ്ങള്‍ക്കുള്ള സഹായധനം ഓളിക്കല്‍ ഗഫൂര്‍ വിതരണം ചെയ്തു. സമിതി ജില്ലാ ജോ: സെക്രട്ടറിരഘൂത്തമന്‍ അംഗത്വ വിതരണം നിര്‍വഹിച്ചു. ജില്ലാ സെക്രട്ടറി സന്തോഷ് സെബാസ്റ്റ്യന്‍ മുഖ്യപ്രഭാഷണം നടത്തി. ചാത്തമംഗലം പഞ്ചായത്ത് അംഗം ശ്രീഷ സുനില്‍കുമാര്‍, വനിതാ സമിതി ജില്ലാ പ്രസിഡണ്ട് ഷൈനിബ ബഷീര്‍, ട്രസ്റ്റ് കൗണ്‍സിലര്‍ ഏ.പി. ദേവദാസന്‍ […]

കുന്ദമംഗലം : ഉപജില്ലാ എച്ച് എം ഫോറം, വിദ്യാരംഗം സാഹിത്യവേദിയുടെയും സംയുക്താഭി മുഖ്യത്തിന്‍ ‘കുഞ്ഞെഴുത്തിന്റെ മധുരം’ – എന്ന പ്രോജക്ടിന്റെ തുടര്‍പ്രവര്‍ത്തനമായി തത്സമയ കയ്യെഴുത്ത് മാഗസിന്‍ ശില്പശാല സര്‍ഗ്ഗ ദളങ്ങള്‍ പരിപാടി സംഘടിപ്പിച്ചു. കുട്ടികളുടെ സര്‍ഗ്ഗാത്മകമായ കഴിവുകള്‍ പരിപോഷിപ്പിക്കുന്നതിനും പ്രോത്സാഹിപ്പിക്കുന്നതിനും വേണ്ടി ഉപജില്ലാ വിദ്യാഭ്യാസ ഓഫീസര്‍ കെ ജെ പോള്‍ വിഭാവനം ചെയ്ത പ്രത്യേക വിദ്യാഭ്യാസ പരിപാടിയാണ് സര്‍ഗ്ഗ ദളങ്ങള്‍. കുട്ടികളുടെ രചനാപരമായ കഴിവുകള്‍, കയ്യെഴുത്ത്, കരവിരുത് എന്നിവ പ്രോല്‍സാഹിപ്പിക്കുക തുടങ്ങിയ ഉദ്ദേശ്യ ലക്ഷ്യങ്ങളാണ് പദ്ധതിക്ക് പിന്നിലുള്ളത്. […]

കോഴിക്കോട്: ഭിന്നശേഷി കുട്ടികള്‍ക്ക് നീന്തല്‍ പരീശീലനം നല്‍കുന്നതിന് പൊതു വിദ്യാഭ്യാസ വകുപ്പ് നടപ്പാക്കുന്ന ബീറ്റ്‌സ് പദ്ധതി മാവൂര്‍ ബിആര്‍സി യില്‍ ആരംഭിച്ചു. ഭിന്നശേഷി കുട്ടികളുടെ ജീവിത നൈപുണി വികസിപ്പിക്കുക, പ്രകൃതി ദുരന്തങ്ങളില്‍ നിന്നുള്ള അതിജീവനത്തിന് അവരെ പ്രാപ്തമാക്കുക എന്നീ ലക്ഷ്യങ്ങള്‍ അടിസ്ഥാനമാക്കിയാണ് ഇത്തരമൊരു പദ്ധതി നടപ്പാക്കുന്നത്. ഭിന്നശേഷി വിദ്യാര്‍ഥികളുടെ സാമൂഹിക പങ്കാളിത്തം വര്‍ധിപ്പിക്കുന്നതിനും മുഖ്യധാരയിലേക്ക് കൈപ്പിടിച്ചുയര്‍ത്താനും പദ്ധതി സഹായകരമാകും. വെള്ളന്നൂര്‍ സ്‌നേഹപ്രഭ നീന്തല്‍ക്കുളത്തില്‍ രാവിലെ 8 മുതല്‍ 9 വരെയാണ് ദിവസവും പരിശീലനം നല്‍കുന്നത് . 10 […]

കുന്ദമംഗലം: കുന്ദമംഗലം ഗ്രാമ പഞ്ചായത്ത് നടത്തിയ ശുചിത്വ ബോധവത്കരണ യാത്രക്ക് പന്തീര്‍പാടം പൗര സമിതി സ്വീകരണം നല്‍കി. കുന്ദമംഗലം ഗ്രാമ പഞ്ചായത് പ്രസിഡന്റ് ലിജി പുല്കുന്നുമ്മല്‍ നേതൃത്വം നല്‍കുന്ന ശുചിത്ത ബോധവത്കരണ യാത്രക്ക് പന്തീര്‍പാടത്ത് പൗരസമിതി സ്വീകരണം നല്‍കി. ഗ്രാമ പഞ്ചായത്ത് മെമ്പര്‍ കെ കെ സി നൗഷാദ് അധ്യക്ഷതവഹിച്ചു. സ്റ്റാന്റിങ് കമ്മറ്റി ചെയര്‍മാന്മാരായ തിരുവലത് ചന്ദ്രന്‍, പ്രീതി, ശബ്‌ന, റഷീദ്, മെമ്പര്‍മാരായ പി കൗലത്, പി നജീബ് ശിവാനന്ദന്‍, പൗര സമിതി കണ്‍വീനര്‍ ഒ സലീം […]