മരത്തിൽ നിന്നും വീണ് ചികിത്സയിലായിരുന്ന യുവാവ് മരിച്ചു
കോടഞ്ചേരി :മരം മുറിക്കുന്നതിനിടയിൽ അപകടത്തിൽപെട്ട് മെഡിക്കൽ കോളേജിൽ ചികിത്സയിലായിരുന്ന യുവാവ് മരിച്ചു. കണ്ടപ്പൻചാൽ കയത്തുംകരയിൽ സണ്ണി ലില്ലി ദമ്പതികളുടെ മകൻ സോജിൻ (26) ആണ് മരിച്ചത്. രണ്ട് ദിവസങ്ങൾക്കു മുൻപ് കൂടരഞ്ഞിയിൽ ഒരു വീടിന് സമീപം നിൽക്കുന്ന മരം മുറിക്കുന്നതിന് സഹായിക്കുന്നതിനിടയിൽ മരത്തിൽ നിന്ന് വീഴുകയായിരുന്നു.ഗുരുതരമായ പരിക്കേറ്റതിനെ തുടർന്ന് മെഡിക്കൽ കോളേജിൽ വെന്റിലേറ്ററിൽ ചികിത്സയിൽ കഴിയുന്നതിനിടെ ഇന്ന് മരണം സംഭവിച്ചു. സഹോദരങ്ങൾ:ഷൈജു, നയന