തിരുവനന്തപുരം: നിയന്ത്രണം വിട്ട ബൈക്ക് പോസ്റ്റിലിടിച്ച് പത്തൊന്പതുകാരന് മരിച്ചു. പെരുങ്ങുഴി പൊന്നുകൂട്ടി വിളാകം സ്വദേശി ഇന്ദ്രജിത് (19) ആണ് മരിച്ചത്. ഇന്നലെ രാത്രി 12 മണിക്ക് മംഗലപുരം ശാസ്തവട്ടത്തായിരുന്നു അപകടം നടന്നത്. അമിത വേഗതയിലെത്തിയ ബൈക്ക് മതിലിലും പോസ്റ്റിലും ഇടിക്കുകയായിരുന്നു. ഉടന് തന്നെ മെഡി. കോളേജിലെത്തിച്ചെങ്കിലും മരിച്ചു. മംഗലപുരം പോലീസ് അപകടത്തില് കേസെടുത്തു.
കോഴിക്കോട്: മുക്കം പിസി ജംഗ്ഷനില് ടിപ്പര് ലോറി ബൈക്കിലിടിച്ചുണ്ടായ അപകടത്തില് ബൈക്ക് യാത്രക്കാരന് മരിച്ചു. മലപ്പുറം ഊര്ങ്ങാട്ടിരി സ്വദേശി ഷിബുമോനാണ് മരിച്ചത്. രാത്രി 12 മണിയോടെ ടിപ്പര് ലോറി ബൈക്കിന് പിന്നില് ഇടിച്ചാണ് അപകടമുണ്ടായത്. മൃതദേഹം കോഴിക്കോട് മെഡിക്കല് കോളേജ് ആശുപത്രിയില് സൂക്ഷിച്ചിരിക്കുകയാണ്.
കൊച്ചി: എറണാകുളത്ത് പ്രധാനമന്ത്രിയുടെ സന്ദര്ശനത്തിന്റെ ഭാഗമായി റോഡില് കെട്ടിയ വടം കഴുത്തില് കുരുങ്ങി സ്കൂട്ടര് യാത്രികന് മരിച്ചു. വടുതല സ്വദേശി മനോജ് ആണ് മരിച്ചത്. വളഞ്ഞമ്പലത്ത് ഇന്നലെ രാത്രിയാണ് അപകടമുണ്ടായത്. എസ്എ റോഡില് നിന്ന് വന്ന് എംജി റോഡിലേക്ക് കയറുന്ന ഭാഗത്താണ് കയര് കെട്ടിയിരുന്നത്. എന്നാല് തങ്ങള് കൈ കാണിച്ചിട്ടും നിര്ത്താതെ മുന്നോട്ട് പോയപ്പോഴാണ് മനോജ് ഉണ്ണി അപകടത്തില് പെട്ടതെന്നാണ് പൊലീസ് പറയുന്നത്. ലോക്സഭാ തെരഞ്ഞെടുപ്പ് പ്രചാരണത്തിനായി പ്രധാനമന്ത്രി നരേന്ദ്ര മോദി ഇന്നാണ് കേരളത്തില് എത്തുന്നത്. തൃശൂരിലും […]
വൈത്തിരി: വയനാട് വൈത്തിരിയില് കെഎസ്ആര്ടിസി ബസും കാറും കൂട്ടിയിടിച്ച് മൂന്ന് പേര് മരിച്ചു. അപകടത്തില് മൂന്ന് പേര്ക്ക് പരിക്കേറ്റു. നിയന്ത്രണം വിട്ട കാര് സ്കാനിയ ബസ്സിലേക്ക് ഇടിച്ചുകയറിയാണ് അപകടമുണ്ടായത്. മലപ്പുറം കൊണ്ടോട്ടി കുഴിമണ്ണ സ്വദേശി ഉമ്മറിന്റെ കുടുംബമാണ് അപകടത്തില്പ്പെട്ടത്. ഉമ്മറിന്റെ ഭാര്യ ആമിന, മക്കളായ ആദില്, അബ്ദുള്ള എന്നിവരാണ് മരിച്ചത്. ഗുരുതരമായി പരിക്കേറ്റ ഉമ്മറിനെയും മറ്റു രണ്ട് പേരെയും മേപ്പാടിയിലെ ആശുപത്രിയിലേക്ക് മാറ്റി.
കൊച്ചി: ദി ന്യൂ ഇന്ത്യന് എക്സ്പ്രസ് ഏജന്റ് നന്തി കുളങ്ങര കുറുപ്പംതറ കെ വി സോമന്(72) വാഹനാപകടത്തില് മരിച്ചു. പറവൂര്- ആലുവ റോഡില് ചേന്ദമംഗലം കവലയില് വെച്ചാണ് അപകടം. ചേന്ദമംഗലം കവലയില് പടിഞ്ഞാറു ഭാഗത്തുനിന്നും വരികയായിരുന്ന പൈലിങ് വാഹനം ഇടതു വശത്തുനിന്നും കടന്നുവന്ന കാറിലിടിച്ച ശേഷം നിയന്ത്രണം വിട്ട് സൈക്കിളില് വരികയായിരുന്ന സോമനെ ഇടിക്കുകയായിരുന്നു. തുടര്ന്ന് വലതുവശത്തെ കെട്ടിടത്തില് ഇടിച്ചുകയറിയാണ് ലോറി നിന്നത്. ഇടിയുടെ ആഘാതത്തില് പഴക്കമേറെയുള്ള രണ്ടു നിലകളുള്ള കല്ലുങ്കല് ബില്ഡിംഗ് തകര്ന്നു. സംഭവത്തില് മറ്റു […]
ചെന്നൈ: തമിഴ്നാട്ടിലെ തിരുപ്പൂരില് കാര് ബസുമായി കൂട്ടിയിടിച്ച് ഒരു കുടുംബത്തിലെ അഞ്ച് പേര് മരിച്ചു. തിരുപ്പൂര് നെല്ലിക്കോവുണ്ടന് പുതൂര് സ്വദേശികളായ ചന്ദ്രശേഖര് (60), ഭാര്യ ചിത്ര (57), മകന് ഇളവരശന് (26), ഭാര്യ അരിവിത്ര (30), മൂന്ന് മാസം പ്രായമുള്ള സാക്ഷി എന്നിവരാണ് മരിച്ചത്. മൂത്തമകന് ശശിധരന് പരിക്കുകളോടെ ചികിത്സയിലാണ്. ഓലപാളയത്തിന് സമീപം വെള്ളക്കോവിലില് പുലര്ച്ചെയായിരുന്നു അപകടം. പൊലീസും ഫയര്ഫോഴ്സും സ്ഥലത്തെത്തിയാണ് ബസിനടിയില് കുടുങ്ങിയ കാര് പുറത്തെടുത്തത്. ചന്ദ്രശേഖറിന്റെ 60-ാം പിറന്നാള് ആഘോഷത്തിന്റെ ഭാഗമായി കുടുംബം തിരുക്കടയൂര് […]
കോഴിക്കോട്: താമരശ്ശേരി ചുരത്തില് പിക്കപ്പ് മറിഞ്ഞു. കര്ണാടകയില് നിന്ന് വാഴക്കുലയുമായി വന്ന പിക്കപ്പ് ലോറിയാണ് അപകടത്തില്പ്പെട്ടത്. പുലര്ച്ചെ 1.30 ആയിരുന്നു അപകടം ഉണ്ടായത്. ചുരത്തിലെ നാലാം വളവില് നിന്നും രണ്ടാം വളവിലേക്ക് 20 മീറ്റര് താഴ്ചയിലേക്ക് വാഹനം പതിക്കുകയായിരുന്നു. അപകടത്തില് പരിക്കേറ്റ രണ്ട് കര്ണാടക സ്വദേശികളെ കോഴിക്കോട് മെഡിക്കല് കോളേജ് ആശുപത്രിയില് പ്രവേശിപ്പിച്ചു. പിക്കപ്പ് റോഡില് നിന്നും മാറ്റി ഗതാഗതം പുനസ്ഥാപിച്ചിട്ടുണ്ട്.
എറണാകുളം: പെരുമ്പാവൂര് താന്നിപ്പുഴയില് ടിപ്പര് ലോറി ഇടിച്ച് ബൈക്ക് യാത്രക്കാരായ അച്ഛനും മകളും മരിച്ചു. കറുകടം സ്വദേശി എല്ദോസ്, മകള് ബ്ലെസി എന്നിവരാണ് മരിച്ചത്. രാവിലെ എട്ടുമണിയോടെയായിരുന്നു അപകടം. ഇവര് സഞ്ചരിച്ചിരുന്ന ബൈക്കിന് പിന്നില് ടിപ്പര് ലോറി ഇടിക്കുകയായിരുന്നു. ബൈക്കിന് മുകളിലേക്ക് ലോറി കയറിപ്പോയി. തെറിച്ചുവീണ ഇരുവരുടേയും ശരീരത്തിലൂടെ ടിപ്പര് ലോറി കയറിയിറങ്ങുകയും ചെയ്തു.
എറണാകുളം: പെരുമ്പാവൂര് പുല്ലുവഴിയില് മൂന്ന് വാഹനങ്ങള് കൂട്ടിയിടിച്ചുണ്ടായ അപകടത്തില് ഒരാള് മരിച്ചു. മലയാറ്റൂര് സ്വദേശി സദന് (53) ആണ് മരിച്ചത്. അഞ്ച് പേര്ക്ക് പരിക്കേറ്റു. പരിക്കേറ്റവരില് ഒരാളുടെ നില ഗുരുതരമാണ്. ഇന്ന് പുലര്ച്ചെയാണ് അപകടം നടന്നത്. മൂവാറ്റുപുഴ ഭാഗത്ത് നിന്നും വന്ന ഇന്നോവ കാര് എതിര്ദിശയില് വന്ന വാഹനങ്ങളില് ഇടിക്കുകയായിരുന്നു. എതിര് ദിശയില് വന്ന കാറിലെ യാത്രക്കാരനാണ് മരിച്ച സദന്. ഗുരുതരമായി പരിക്കേറ്റ സദന് ആശുപത്രിയില് ചികിത്സയിലിരിക്കെയാണ് മരിച്ചത്. ഇടിയുടെ ആഘാതത്തില് മൂന്ന് വാഹനങ്ങളും തകര്ന്നു. വാഹനം […]
പത്തനംതിട്ട: കാര് അപകടത്തില് മരിച്ച അധ്യാപിക അനുജ രവീന്ദ്രന്റെ മരണത്തില് പരാതി നല്കി അച്ഛന്. ഹാഷിം മകളെ ഭീഷണിപ്പെടുത്തിയാണ് വണ്ടിയില് നിന്ന് ഇറക്കിയതെന്നും തുടര്ന്നു ബലമായി കാറില് കയറ്റി ലോറിയില് ഇടിപ്പിച്ചു കൊല്ലുകയായിരുന്നുവെന്നുമാണ് അച്ഛന് രവീന്ദ്രന്റെ പരാതിയില് പറയുന്നത്. ഇതെക്കുറിച്ചു അന്വേഷിക്കണമെന്നാവശ്യപ്പെട്ട് നൂറനാട് പൊലീസ് സ്റ്റേഷനിലാണ് പരാതി നല്കിയിരിക്കുന്നത്. സ്വകാര്യ ബസ് ഡ്രൈവറാണ് കാറിലുണ്ടായിരുന്ന അനൂജയുടെ സുഹൃത്ത് ഹാഷിം. ഇരുവരും തമ്മില് പരിചയപ്പെട്ടിട്ട് ഒരു വര്ഷമായെന്നാണ് സൂചന. അനുജയുടെയും ഹാഷിമിന്റെയും ഫോണ് പരിശോധിച്ചതില് നിന്നാണ് പൊലീസ് ഇക്കാര്യം […]
