മിനിമം 10 രൂപയാക്കണം; നവംബര് 20 ന് ബസുടമകളുടെ സൂചന പണിമുടക്ക്
സംസ്ഥാനത്തെ സ്വകാര്യ ബസുടമകള് നവംബര് 20ന് സൂചനാ പണിമുടക്ക് നടത്തും. ചാര്ജ് വര്ധന ഉള്പ്പെടെയുള്ള ആവശ്യങ്ങളുന്നയിച്ചാണ് പണിമുടക്ക്. മിനിമം ചാര്ജ് എട്ടു രൂപയില്നിന്ന് 10 രൂപയാക്കി വര്ധിപ്പിക്കുക, വിദ്യാര്ഥികളുടെ യാത്രാനിരക്ക് 50 ശതമാനമെങ്കിലും വര്ധിപ്പിക്കുക എന്നീ ആവശ്യങ്ങളാണ് ബസ്സുടമകള് മുന്നോട്ടുവെക്കുന്നത്. ആവശ്യങ്ങളില് തീരുമാനമായില്ലെങ്കില് അനിശ്ചിതകാല സമരം ആരംഭിക്കുമെന്നും സ്വകാര്യ ബസ് ഓപ്പറേറ്റേഴ്സ് ഫെഡറേഷന് വാര്ത്താ സമ്മേളനത്തില് അറിയിച്ചിട്ടുണ്ട്. കെഎസ്ആര്ടിസി ബസിലും വിദ്യാര്ഥികള്ക്ക് കണ്സെഷന് അനുവദിക്കണമെന്നും ബസ്സുടമകള് ആവശ്യമുന്നയിക്കുന്നുണ്ട്.
