ട്രാൻസ്ജെൻഡർ ദീപ്തി കല്യാണിയുടെ പരാതിയിൽ ന്യൂസ് മലയാളത്തോട് പ്രതികരിച്ച് യൂട്യൂബർ ധന്യ എസ് എന്ന ഹെലൻ ഓഫ് സ്പാർട്ട. ട്രാൻസ്ജെൻഡർ സമൂഹത്തെ അടച്ചാക്ഷേപിക്കുന്ന ഒരു പ്രതികരണവും താൻ നടത്തിയിട്ടില്ല. ട്രാൻസ്ജെൻഡർ ദീപ്തി കല്യാണിക്കെതിരായ പരാമർശത്തിൽ ഇപ്പോഴും ഉറച്ചു നിൽക്കുന്നു. തനിക്കെതിരെ വധഭീഷണി ഉയർത്തിയതിനു പിന്നാലെ വീട്ടിൽ കയറി കൈകാര്യം ചെയ്യുമെന്ന് പറഞ്ഞപ്പോൾ മാത്രമാണ് താൻ പ്രതികരിച്ചത്. ഉന്നയിച്ച ആരോപണങ്ങൾക്ക് തെളിവുകൾ ഉണ്ട്. ഇത് പൊലീസിന് കൈമാറും. നിയമനടപടികളോട് പൂർണമായും സഹകരിക്കുമെന്നും ധന്യ ന്യൂസ് മലയാളത്തോട് പറഞ്ഞു.

കായംകുളം പുള്ളിക്കണക്കില്‍ മാവേലി വേഷധാരിയുടെ ദേഹത്ത് തിളച്ച എണ്ണയൊഴിച്ചു. കരുനാഗപ്പള്ളി സ്വദേശി ചന്ദ്രബാബുവിന്റെ ദേഹത്തേക്കാണ് ചായക്കട ഉടമ തിളച്ച എണ്ണയൊഴിച്ചത്. പണത്തെ ചൊല്ലിയുള്ള തർക്കത്തിനിടെ അബദ്ധത്തിൽ എണ്ണ ഒഴിച്ചതാണെന്നാണ് ചായക്കട ഉടമയുടെ വാദം. പൊലീസ് കേസെടുത്ത് അന്വേഷണം ആരംഭിച്ചു.

തിരുവനന്തപുരം: മുഖ്യമന്ത്രി വി ഡി സതീശനെ വഴിയിൽ തടഞ്ഞ സംഭവത്തിൽ കോൺഗ്രസ് നേതാവും ഡിസിസി അംഗവുമായ ചേന്തി അനിലിനെ പാർടിയുടെ പ്രാഥമിക അംഗത്വത്തിൽ നിന്നും സസ്പെൻഡ് ചെയ്തു. കെപിസിസി അധ്യക്ഷൻ സണ്ണി ജോസഫിന്റെ നിർദേശപ്രകാരമാണ് നടപടി. തിരുവനന്തപുരം ഡിസിസി പ്രസിഡന്റ് എൻ ശക്തനാണ് സസ്പെൻഷൻ നടപടി പ്രഖ്യാപിച്ചത്. ജോലി തടസപ്പെടുത്തിയെന്നും അപമര്യാദയായി പെരുമാറിയെന്നും ചൂണ്ടിക്കാണിച്ച് ഇന്നലെ അർധരാത്രിയോടെയാണ് അനിലിനെ പൊലീസ് കസ്റ്റഡിയിലെടുത്തത്. രാവിലെ അറസ്റ്റ് രേഖപ്പെടുത്തി. മുഖ്യമന്ത്രിയുടെ ഒദ്യോ​ഗിക ജോലി തടസപ്പെടുത്തി, അന്യായമായി തടഞ്ഞുവെച്ചു, മോശമായി പെരുമാറൽ, […]

‘ഓപ്പറേഷൻ തൂഫാൻ’ ലഹരിവിരുദ്ധ പോരാട്ടത്തിന് ശക്തിപകരും കോഴിക്കോട്: ലഹരി വ്യാപനം വർധിച്ചുവരുന്ന സാഹചര്യത്തിൽ സമൂഹത്തെ ബോധവൽക്കരിക്കുന്നതിനും ലഹരിക്കെതിരായ പ്രതിരോധ പ്രവർത്തനങ്ങൾക്ക് ശക്തിപകരുന്നതിനുമായി ജനശബ്ദം ന്യൂസ് പ്രത്യേക പതിപ്പ് പുറത്തിറക്കി. ‘ഓപ്പറേഷൻ തൂഫാൻ’ എന്ന പേരിൽ പൂർണമായും ലഹരിവിരുദ്ധ വിഷയങ്ങൾ കേന്ദ്രീകരിച്ചാണ് ജനശബ്ദം ന്യൂസിന്റെ സ്പെഷ്യൽ പതിപ്പിന്റെ രണ്ടാം എഡിഷൻ പ്രസിദ്ധീകരിച്ചിരിക്കുന്നത്.കോഴിക്കോട് ഡെപ്യൂട്ടി പോലീസ് കമ്മീഷണർ പദം സിംഗ് ഐ.പി.എസ്. പതിപ്പ് പ്രകാശനം ചെയ്തു. ഷെവലിയാർ സി.ഇ. ചാക്കുണ്ണി ആദ്യപ്രതി ഏറ്റുവാങ്ങി. ജനശബ്ദം ന്യൂസ് ചീഫ് എഡിറ്റർ എം […]

ബേപ്പൂരിലെ തോല്‍വിയില്‍ വീണ്ടും ഫേസ്ബുക്ക് പോസ്റ്റുമായി പി വി അന്‍വര്‍. തോല്‍വില്‍ കോണ്‍ഗ്രസ് നേതൃത്വത്തിനെതിരായ ആരോപണം ആവര്‍ത്തിക്കുന്നതാണ് അന്‍വറിൻ്റെ ഫേസ്ബുക്ക് പോസ്റ്റ്. യുഡിഎഫ് കേന്ദ്രങ്ങളില്‍ വോട്ടു കുറഞ്ഞെന്നും എന്നാല്‍ ഇടത് കോട്ടകളില്‍ മുന്നേറ്റമുണ്ടായെന്നുമാണ് അന്‍വര്‍ ചൂണ്ടിക്കാട്ടുന്നത്. യുഡിഎഫ് പ്രവര്‍ത്തകരില്‍ ചിലര്‍ സഹകരിച്ചില്ല. പോസ്റ്ററുകളും നോട്ടീസുകളും ഉപയോഗിക്കാതെ കൂട്ടിയിട്ടത് കണ്ടെന്നും അന്‍വര്‍ ആരോപിക്കുന്നുമുണ്ട്. ബേപ്പൂരില്‍ ജയിച്ചില്ലെങ്കിലും തന്റെ സ്ഥാനാര്‍ഥിത്വം മലബാറില്‍ ഗുണം ചെയ്‌തെന്നും അദ്ദേഹം ചൂണ്ടിക്കാട്ടുന്നുണ്ട്. പിണറായിസവും മരുമോനിസവും ചര്‍ച്ചയായെന്ന് പറഞ്ഞ അദ്ദേഹം കൂടുതല്‍ കണക്കുകള്‍ പുറത്തുവിടുമെന്നും മുന്നറിയിപ്പ് […]

അര്‍ജുന്‍ ആയങ്കിയെ ജയില്‍ മാറ്റി. കണ്ണൂർ സെൻട്രൽ ജയിലിൽ നിന്ന് വിയ്യൂരിലേക്കാണ് മാറ്റിയത്. നിരവധി ക്രിമിനൽ കേസിൽ പ്രതിയായ അർജുൻ ആയങ്കിയെ കഴിഞ്ഞ ആഴ്ചയാണ് കാപ്പ ചുമത്തി ജയിലിൽ അടച്ചത്.

സംസ്ഥാനത്ത് സ്വർണവിലയിൽ കുത്തനെ ഇടിവ് രേഖപ്പെടുത്തി. ഇന്ന് ഗ്രാമിന് 265 രൂപ കുറഞ്ഞതോടെ 22 കാരറ്റ് സ്വർണം ഒരു ഗ്രാമിന് 14,505 രൂപയിലും പവന് 1,16,040 രൂപയിലുമാണ് വ്യാപാരം പുരോഗമിക്കുന്നത്. ഇന്നലെ ഉച്ചയ്ക്കുശേഷം വില ഉയർന്നിരുന്നുവെങ്കിലും, ആ മുൻതൂക്കമെല്ലാം നഷ്ടപ്പെടുത്തിയാണ് ഇന്നത്തെ കനത്ത ഇടിവ്. ഇന്നലെ ഒരു ഗ്രാമിന് 14,770 രൂപയും പവന് 1,18,160 രൂപയുമായിരുന്നു വില. അതേസമയം, സ്വർണവില ഇടിയുമ്പോഴും സംസ്ഥാനത്ത് വെള്ളി വിലയിൽ വർധനവാണ് ഉണ്ടായിരിക്കുന്നത്; നിലവിൽ ഒരു ഗ്രാം വെള്ളിക്ക് 260 രൂപയും […]

തൃശൂർ: ഓണാഘോഷത്തിന് സമാപനം കുറിച്ച് ഇന്ന് തൃശൂരിൽ പുലികളിറങ്ങും. 9 സംഘങ്ങളിലായി 450ഓളം പുലികളാണ് ഇത്തവണ ഓണം കളറാക്കാനായി ന​ഗരത്തിലിറങ്ങുന്നത്. വൈകിട്ട് നാല് മണിയോടെ തൃശ്ശൂർ ന​ഗരം പുലികൾ കൈയടക്കും. ഓരോ സംഘത്തിലും 50ലധികം പുലികളുണ്ടാകും. കൂടാതെ നിശ്ചല ദൃശ്യങ്ങളും മികവ് കൂട്ടാനുണ്ട്. മികച്ച പുലിക്കളി സംഘങ്ങൾക്ക് വിവിധ പുരസ്കാരങ്ങളും ഒരുക്കിയിട്ടുണ്ട്. കുട്ടി പുലികളും പെൺപുലികളും പുലിമടകളിൽ നിന്നിറങ്ങും. ‌പുലികളി വൈകിട്ട് നാലിന് ബിനി ടൂറിസ്റ്റ് ഹോമിന് മുന്നിൽ മന്ത്രി ഒ.ജെ ജനീഷ് ഫ്ലാഗ് ഓഫ് ചെയ്യും. […]

കാസർകോട്: നിയന്ത്രണംവിട്ട ടിപ്പർ ലോറി വീടിന് മുകളിലേക്ക് മറിഞ്ഞുണ്ടായ അപകടത്തിൽ ഡ്രൈവർ മരിച്ചു. ചായ്യോത്തെ സാദിഖ് ആണ് മരിച്ചത്. ശനിയാഴ്ച രാവിലെ 7.30 ഓടെയാണ് സംഭവം. കാഞ്ഞിരപ്പെയിൽ കുളങ്ങാട് കാലിക്കടവിലെ പി ഗോപാലന്റെ വീടിന്റെ മുകളിലേക്കാണ് ലോറി മറിഞ്ഞത്. കുളങ്ങാട്ട് നിന്ന് ചെങ്കല്ല് കയറ്റി പരെളം കാലിക്കടവ് ഭാഗത്തേക്ക് പോവുകയായിരുന്നു ടിപ്പർ, റോഡിൻ്റെ അരിക് ഇടിഞ്ഞതോടെ നിയന്ത്രം വിട്ട ലോറി താഴ്ചയിലേക്ക് മറിയുകയായിരുന്നു. അപകടത്തിൽ വീടിന്റെ അടുക്കള ഭാഗം പൂർണമായും തകർന്നു.

മലപ്പുറം: മരണപ്പെട്ട ഓട്ടോറിക്ഷ ഡ്രൈവര്‍ ഷൗക്കത്തിനെതിരെ വ്യക്തിഹത്യ നടത്തിയ യൂത്ത് ലീഗ് നേതാവ് സി കെ ഷാക്കിറിനെ മുസ്‌ലിം ലീഗിന്റെയും മുസ്‌ലിം യൂത്ത് ലീഗിന്റെയും എല്ലാ പദവികളിൽ നിന്നും നീക്കി. ഓട്ടോറിക്ഷക്ക് ഫിറ്റ്നസ് സര്‍ട്ടിഫിക്കറ്റ് ലഭിക്കാത്തതിനെ തുടര്‍ന്ന് ജീവനൊടുക്കിയ ഷൗക്കത്ത്, യുക്തിവാദം തലക്ക് കയറിയാണ് ആത്മഹത്യ ചെയ്തതെന്നായിരുന്നു സികെ ഷാക്കിറിന്റെ വിവാദ പരാമര്‍ശം. മുസ്‌ലിം ലീഗിൻ്റെ സംസ്ഥാന കമ്മിറ്റിയുടെ ശുപാർശയുടെ അടിസ്ഥാനത്തിലാണ് മുസ്‌ലിം യൂത്ത് ലീഗ് ദേശീയ സെക്രട്ടറിയായ സികെ ഷാക്കിറിനെ എല്ലാ പദവിയില്‍ നിന്നും നീക്കിയതായി […]