ചേന്ദമംഗല്ലൂർ: ഹയർ സെക്കന്ററി നാഷണൽ സർവീസ് സ്കീം മാവൂർ ക്ലസ്റ്ററിന്റെ മാതൃകാ ഹരിത ഗ്രാമമായി ചേന്ദമംഗല്ലൂരിലെ മംഗലശ്ശേരിയെ ,ക്ലസ്റ്ററിലെ വോളണ്ടിയർ ലീഡർമാർ ,കൺവീനർ എ.പി.മിനിയോടൊപ്പം പ്രഖ്യാപിച്ചു. ക്ലസ്റ്ററിലെ പത്ത് സ്കൂളുകളിൽ നിന്നുള്ള വാളണ്ടിയർമാർ മാലിന്യ സംസ്ക്കരണം ,ആരോഗ്യം, ശുചിത്വം, വിദ്യാഭ്യാസം, കൃഷി, കായികം ,നീന്തൽ പരിശീലനം, നൈപുണി വികസനം , പുഴ തീരസംരക്ഷണം തുടങ്ങിയ മേഖലകളിൽ വൈവിധ്യമാർന്ന പ്രവർത്തനങ്ങൾ ആവിഷ്ക്കരിച്ച് നടപ്പിലാക്കും. പ്രഖ്യാപന സമ്മേളനം മുക്കം നഗരസഭ കൗൺസിലർ ഷഫീഖ് മാടായി ഉത്ഘാടനം ചെയ്തു. മാവൂർ ക്ലസ്റ്റർ കൺവീനർ എ.പി. മിനി ആധ്യക്ഷം വഹിച്ചു. ചേന്ദമംഗല്ലൂർ ഹയർ സെക്കന്ററി പ്രിൻസിപ്പൽ ഒ.ശരീഫുദ്ദീൻ മുഖ്യപ്രഭാഷണം നടത്തി. ചേന്ദമംഗല്ലൂർ മഹല്ല് പ്രസിഡണ്ട് കെ. സുബൈർ, തീരം റെസിഡൻസ് അസോസിയേഷൻ പ്രസിഡണ്ട് ഉണ്ണിച്ചേക്കു, മംഗലശ്ശേരി റെസിഡൻസ് അസോസിയേഷൻ പ്രസിഡണ്ട് എം. സുബൈർ, സ്റ്റാഫ് സെക്രട്ടറി ഹസ്ബുല്ല.ഇ ,ആനയാംകുന്ന് ഹയർ സെക്കന്ററി പ്രോഗ്രാം ഓഫീസർ സില്ലി ബാലകൃഷൻ, ഫൈസൽ .ടി കെ , വാളണ്ടിയർമാരായ ആദിത്യ, അനന്തു. ഒ.വി ,അർച്ചന എന്നിവർ ആശംസകൾ നേർന്നു. ചേന്ദമംഗല്ലൂർ വാളണ്ടിയർ ലീഡർ മുശ് രിഫ .കെ സ്വാഗതവും ചേന്ദമംഗല്ലൂർ പ്രോഗ്രാം ഓഫീസർ എസ്. കമറുദ്ദീൻ നന്ദിയും പ്രകടിപ്പിച്ചു. കുട്ടികളുടെ കലാപരിപാടിയും അനുബന്ധമായി മംഗലശ്ശേരി സാംസ്ക്കാരിക നിലയം ശുചീകരണവും നടന്നു.
മാതൃകാ ഹരിത ഗ്രാമം ഉദ്ഘാടനം ചെയ്തു
