ഒന്നരവയസ്സുള്ള പേരക്കുട്ടിയെ കാമുകന്റെ സഹായത്തോടെ ബക്കറ്റിലെ വെള്ളത്തില് മുക്കിക്കൊന്ന കേസിലെ പ്രതി ലോഡ്ജില് കുഴഞ്ഞുവീണ് മരിച്ചു.അങ്കമാലി പാറക്കടവ് വട്ടപറമ്പ് കരയില് പൊന്നാടത്ത് വീട്ടില് കൊച്ചുത്രേസ്യ എന്ന സിപ്സി(50)യാണ് മരണപ്പെട്ടത്.ദേഹാസ്വാസ്ഥ്യം അനുഭവപ്പെട്ടതിന് പിന്നാലെയാണ് മരണം സംഭവിച്ചതെന്നും മരണത്തില് മറ്റ് അസ്വാഭാവികതകളില്ലെന്നും എറണാകുളം സെന്ട്രല് പോലീസ് പറഞ്ഞു. മൃതദേഹം പോസ്റ്റ്മോര്ട്ടം നടപടികള് പൂര്ത്തിയാക്കി ബന്ധുക്കള്ക്ക് വിട്ടുനല്കിയെന്നും പോലീസ് അറിയിച്ചു.കഴിഞ്ഞ മാര്ച്ചിലാണ് കൊച്ചി കലൂരിലെ ഹോട്ടൽ മുറിയിൽ വച്ച് ഒന്നരവയസ്സുകാരിയെ കുട്ടിയുടെ മുത്തശ്ശിയുടെ കാമുകൻ ജോണ് ബിനോയ് ഡിക്രൂസ് കൊലപ്പെടുത്തിയത്. പൊലീസ് പറഞ്ഞപ്പോഴാണ് തന്റെ സുഹൃത്ത് ബിനോയ് കുട്ടിയെ ബക്കറ്റിൽ മുക്കിക്കൊന്നത് അറിഞ്ഞതെന്നും തന്നോടുള്ള വിരോധത്താലാണ് കുട്ടിയെ കൊലപ്പെടുത്തിയതെന്നും സിപ്സി പറഞ്ഞിരുന്നു.കേസില് ഇയാളെയും സിപ്സിയെയും പോലീസ് അറസ്റ്റ് ചെയ്തു. കുഞ്ഞിന്റെ പിതാവായ സജീവും കേസില് അറസ്റ്റിലായിരുന്നു. കുഞ്ഞിനെ കൊലപ്പെടുത്തിയ കേസില് റിമാന്ഡിലായിരുന്ന സിപ്സി അടുത്തിടെയാണ് ജാമ്യത്തിലിറങ്ങിയത്.അങ്കമാലിയില് സ്കൂട്ടര് യാത്രികയെ ഇടിച്ചുവീഴ്ത്തി വസ്ത്രം വലിച്ചുകീറിയ സംഭവത്തിലും സിപ്സിക്കെതിരേ കേസുണ്ടായിരുന്നു
കാമുകനൊപ്പം ചേർന്ന് പേരക്കുട്ടിയെ ബക്കറ്റിലെ വെള്ളത്തില് മുക്കിക്കൊന്ന പ്രതി സിപിസി കുഴഞ്ഞുവീണ് മരിച്ചു
