കോഴിക്കോട് : മടവൂർ ആരാമ്പ്രം മുട്ടാഞ്ചേരി സ്വദേശിയായ പോലീസ് ഉദ്യോഗസ്ഥന് കോവിഡ് സ്ഥിരീകരണം.
സമ്പർക്കം വഴിയാവാം ഇദ്ദേഹത്തിന് കോവിഡ് സ്ഥിരീകരിച്ചതെന്നാണ് നിഗമനം
മടവൂർ ഗ്രാമപഞ്ചായത്തിലെ പതിനേഴാം വാർഡ് സ്വദേശിയാണ് ഇദ്ദേഹം. ബീച്ച് ആശുപത്രിയിൽ നടത്തിയ പരിശോധനയിലാണ് കോവിഡ് സ്ഥിരീകരിച്ചിരിക്കുന്നത്. ഇദ്ദേഹവുമായി സമ്പർക്കമുള്ളവരെ നിരീക്ഷണത്തിൽ പ്രവേശിപ്പിക്കും.
അതേ സമയം രോഗവ്യാപന സാധ്യത കണക്കിലെടുത്ത് ആരോഗ്യ വകുപ്പിന്റെ നേതൃത്വത്തിൽ ഗ്രാമ പഞ്ചായത്ത് അധികൃതരുടെ സഹായത്തോടെ 100 പേർക്ക് അസനിയ സ്കൂൾ മുട്ടാഞ്ചേരിയിൽ വെച്ച് ആർ ടി പി സി ആർ ടെസ്റ്റ് സംഘടിപ്പിച്ചു. നേരത്തെ പ്രദേശത്ത് രോഗം സ്ഥിരീകരിച്ചവരുടെ സമ്പർക്ക പട്ടികയിൽ ഉള്ളവരെയാണ് പരിശോധനയ്ക്ക് വിധേയമാക്കിയത്
