തിരുവനന്തപുരം : കോവിഡ് പശ്ചാത്തലത്തിൽ അടച്ചിട്ട മദ്യ ഷാപ്പുകൾ റെഡ് സോണുകൾ ഒഴികെ മറ്റു പ്രദേശങ്ങളിൽ തുറക്കാമെന്ന കേന്ദ്ര സർക്കാർ ഇളവിൽ പ്രതികരണവുമായി എക്സൈസ് വകുപ്പ് മന്ത്രി ടി പി രാമകൃഷ്ണൻ. നിലവിൽ നൽകിയ ഇളവ് സംസ്ഥാനത്ത് പരിശോധിച്ച ശേഷം നിലപാട് സ്വീകരിക്കുമെന്ന് മാധ്യമ പ്രവർത്തകരോടായി അദ്ദേഹം പറഞ്ഞു.
നിലവിൽ മദ്യശാലകൾ തുറക്കാൻ സർക്കാർ തീരുമാനിച്ചിട്ടില്ലെന്നും, ഓൺലൈൻ വഴി മദ്യം നൽകുന്ന കാര്യത്തെ കുറിച്ച് ചിന്തിച്ചിട്ടില്ലെന്നും മന്ത്രി പറഞ്ഞു. ഇന്ന് കേന്ദ്ര സർക്കാരിന്റെ പുതിയ ലോക്ക് ഡൗൺ തീരുമാനത്തെ തുടർന്ന് മന്ത്രി സഭ യോഗം അല്പസമയത്തിനുള്ളിൽ ചേരും.
