നിലമ്പൂര്: രാഹുല് ഗാന്ധി ഇന്ന് ഉദ്ഘാടനം ചെയ്യാനിരുന്ന വയനാട് മണ്ഡലത്തിലെ എട്ട് റോഡുകളുടെ നിര്മ്മാണോദ്ഘാടനം പി.വി അന്വര് എം.എല്.എ നിര്വഹിച്ചു. പ്രധാനമന്ത്രി ഗ്രാമീണ് സഡക് യോജന റോഡുകളുടെ(പി.എം.ജി.എസ്.വൈ) നിര്മാണോദ്ഘാടനമാണ് എം.എല്.എ നിര്വഹിച്ചത്. കേന്ദ്ര ഗ്രാമവികസന മന്ത്രാലയത്തിന്റെ സര്ക്കുലര് ലംഘിച്ചാണ് പി.വി അന്വര് റോഡുകള് ഉദ്ഘാടനം ചെയ്തതെന്നാണ് കോണ്ഗ്രസിന്റെ ആരോപണം.
പി.വി അന്വറിന്റെ നടപടി രാഷ്ട്രീയ പാപ്പരത്തമാണെന്നും കോണ്ഗ്രസ് ആരോപിച്ചു. പി.എം.ജി.എസ്.വൈ റോഡുകള് ഉദ്ഘാടനം ചെയ്യേണ്ടത് എം.പി മാരാണെന്നാണ് കേന്ദ്ര ഗ്രാമവികസന മന്ത്രാലയത്തിന്റെ സര്ക്കുലര്.
അതേസമയം, മൂന്ന് ദിവസം നാല് ജില്ലകളിലായി വിവിധ പരിപാടികളില് പങ്കെടുക്കാന് രാഹുല് ഗാന്ധി എം.പി കേരളത്തിലെത്തി.