കുന്ദമംഗലം: സ്വർണക്കടത്ത് കേസിൽ മുഖ്യമന്ത്രി പിണറായി വിജയൻ രാജിവെക്കുക എന്ന് ആവശ്യപ്പെട്ട് കൊണ്ട് ബി ജെ പി കുന്ദമംഗലം നടത്തിയ നിൽപ്പ് സമരം ബി ജെ പി കോഴിക്കോട് ജില്ല സെക്രട്ടറി തളത്തിൽ ചക്രായുധൻ ഉദ്ഘാടനം ചെയ്തു.
കുന്ദമംഗലം എം എൽ എ പി ടി എ റഹീമിന്റെയും കൊടുവള്ളി എം എൽ എ കാരാട്ട് റസാഖിന്റേയും നിലമ്പൂർ എംഎൽഎ പി വി അൻവറിന്റെയും സാമ്പത്തിക സ്രോതസ് അന്വേഷിക്കണമെന്നും ജില്ലാ സെക്രട്ടറി ആവശ്യപ്പെട്ടു.ഒ ബി സി മോർച്ച ജില്ലാ ട്രഷറർ കെ സി രാജൻ, കർഷകമോർച്ച ജില്ലാ ഉപാദ്ധ്യക്ഷൻ കെ പി ഗണേശൻ, യുവമോർച്ച കുന്നമംഗലം ഏരിയാ അദ്ധ്യക്ഷൻ കെ വി യദു രാജ് എന്നിവർ സംസാരിച്ചു. കുന്നമംഗലം ഏരിയാ പ്രസിഡണ്ട് വി മുരളീധരൻ അദ്ധ്യക്ഷത വഹിച്ചു. കളരിക്കണ്ടി ഏരിയാ പ്രസിഡണ്ട് കെ ഷാജികുമാർ സ്വാഗതവും ഏരിയാ ജനറൽ സെക്രട്ടറി എം ജി വിനോദ് നന്ദിയും രേഖപ്പെടുത്തി