തിരുവനന്തപുരം: കാലാവസ്ഥ പ്രതികൂലമായതിനെ തുടര്ന്ന് കോഴിക്കോട് കരിപ്പൂര് അന്താരാഷ്ട്രാ വിമാനത്താവളത്തില്നിന്നുള്ള വിമാനങ്ങള് വൈകി. എയര്ഇന്ത്യ എക്സ്പ്രസിന്റെ അബുദാബി, മസ്കറ്റ് വിമാനങ്ങളാണ് വൈകുന്നത്. അതേസമയം മുന്നറിയിപ്പില്ലാതെ മംഗളൂരുവില് ലാന്ഡ് ചെയ്ത ദോഹ – കോഴിക്കോട് വിമാനം കോഴിക്കോട്ടേക്ക് പുറപ്പെട്ടു.
അതിതീവ്ര മഴക്ക് സാധ്യതയുള്ളതിനാല് ആലപ്പുഴ, കോട്ടയം, ഇടുക്കി, എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, വയനാട് ജില്ലകളില് ഓറഞ്ച് അലര്ട്ട് പ്രഖ്യാപിച്ചു. തിരുവനന്തപുരം, കൊല്ലം, ഇടുക്കി, കണ്ണൂര്, കാസര്കോട് ജില്ലകളില് യെല്ലോ അലര്ട്ടും പ്രഖ്യാപിച്ചു. ശനിയാഴ്ച വരെ മഴതുടരുമെന്ന് കേന്ദ്ര കാലാവസ്ഥ വകുപ്പ് അറിയിച്ചു.
