ഡൽഹി : ഇന്ത്യയിൽ മരണ സംഖ്യ 681 ആയി. 21,393 പേർക്കാണ് ഇതുവരെ രോഗം സ്ഥിരീകരിച്ചത്. ഇതിൽ നിലവിൽ ചികിത്സയിൽ കഴിയുന്നത് 16,453 പേരാണെന്നും കേന്ദ്ര ആരോഗ്യമന്ത്രാലയം അറിയിച്ചു. 24 മണിക്കൂറിനിടെ 41 മരണങ്ങൾ റിപ്പോർട്ട് ചെയ്തു. പുതിയ 1409 ആളുകളാണ് കോവിഡ് ബാധിതർ.
രാജസ്ഥാനിൽ കഴിഞ്ഞ 24 മണിക്കൂറിനുള്ളിൽ 41 പുതിയ കേസുകൾ റിപ്പോർട്ട് ചെയ്തു. ഇതോടെ സംസ്ഥാനത്തെ രോഗികളുടെ എണ്ണം 1935 ആയി. 27 പേർ മരണപ്പെട്ടു. അതേ സാമയം കേന്ദ്ര സർക്കാർ കോവിഡ് പ്രവർത്തനത്തെ വിമർശിച്ച് കോൺഗ്രസ് നേതാവ് സോണിയ ഗാന്ധി രംഗത്തെത്തി വേണ്ടത്ര പരിശോധനകൾ രാജ്യത്ത് സാധ്യമാകുന്നില്ലായെന്നും പരിശോധനയ്ക്കായി ഉപയോഗിക്കുന്ന പി പി ഇ കിറ്റുകൾ ഗുണ നിലവാരമില്ലാത്തതാണെന്നു സോണിയ ഗാന്ധി അഭിപ്രായപ്പെട്ടു.
കേരളത്തിൽ കഴിഞ്ഞ ദിവസം റിപ്പോർട്ട് ചെയ്ത രീതിയിൽ രോഗ മുക്തരേക്കാൾ കൂടുതലായി പുതുതായി രോഗം സ്ഥിരീകരിക്കുന്ന പ്രവണത തുടർന്ന്. ഇന്നലെ 11 രോഗ ബാധിതരായപ്പോൾ ഒരാൾക്ക് മാത്രമാണ് രോഗമുക്തി നേടാനായത് നിലവിൽ 127 പേർ ആശുപത്രികളിൽ ചികിത്സയിലുണ്ട്
