കൊവിഡ് 19 ജാഗ്രതയുടെ ഭാഗമായി നിര്ദ്ദേശിച്ച ലോക് ഡൗണ് എല്ലാവരും ഗൗരവമായി എടുക്കണമെന്ന് അഭ്യര്ത്ഥനയുമായി പ്രധാനമന്ത്രി നരേന്ദ്രമോദി. നിയമം പാലിക്കുമെന്ന് ഉറപ്പ് വരുത്താന് നടപടി ഉണ്ടാകണമെന്നും പ്രധാനമന്ത്രി ആവശ്യപ്പെട്ടു.
ഇന്ത്യയില് കൊവിഡ് വ്യാപനത്തിന്റെ സാഹചര്യത്തില് വിവിധ സംസ്ഥാനങ്ങളെ എഴുപത്തഞ്ച് ജില്ലകളില് കഴിഞ്ഞ ദിവസം കേന്ദ്ര സര്ക്കാര് ലോക് ഡൗണ് നിര്ദ്ദേശിച്ചിരുന്നു. കേരളത്തിലെ പത്ത് ജില്ലകളിലും കേന്ദ്ര സര്ക്കാരിന്റെ ലോക് ഡൗണ് നിര്ദ്ദേശം നിലവിലുണ്ട്.
കൊവിഡ് കേസുകള് നാള്ക്ക് നാള് കൂടി വരുന്ന സാഹചര്യത്തില് നിലവിലുള്ള ജാഗ്രതയില് എന്തൊക്കെ അധികം വേണ്ടിവരുമെന്ന തീരുമാനിക്കാന് ഇന്ന് സംസ്ഥാനത്ത് അടിയന്തര ഉന്നതതല യോഗംചേരുന്നുണ്ട്. ജനജീവിതത്തെ ബാധിക്കാത്ത വിധത്തില് കര്ശന നിയന്ത്രണം ഏര്പ്പെടുത്തി മുന്നോട്ട് പോകാമെന്ന നിലപാടാണ് മുഖ്യമന്ത്രി പിണറായി വിജയന് ആവര്ത്തിക്കുന്നത്. നിരോധനാജ്ഞ അടക്കം അനുയോജ്യമായ നടപടികളിലേക്ക് നീങ്ങാന് ജില്ലാ കളക്ടര്മാര്ക്ക് ഇതിനകം തന്നെ നിര്ദ്ദേശം നല്കിയിട്ടുണ്ട്.
