തിരുവനന്തപുരം : കഴിഞ്ഞ ദിവസം ആരോഗ്യ ഉദ്യോഗസ്ഥയ്ക്കു കോവിഡ് സ്ഥിരീകരിച്ച സാഹചര്യത്തിൽ ഇവർ പങ്കെടുത്ത യോഗത്തിൽ ചേർന്ന സംസ്ഥാനത്തെ കൃഷിമന്ത്രി വി എസ്‌ സുനിൽകുമാർ നിരീക്ഷണത്തിൽ. മന്ത്രിയുടെ നേതൃത്വത്തിൽ ജൂൺ 15 ന് തൃശൂർ കോർപ്പർേഷൻ ഓഫീസിലാണ്‌ യോഗം നടന്നത്. ഇതിൽ ഉദ്യോഗസ്ഥ പങ്കാളിയാവുകയായിരുന്നു.
നിലവിൽ തിരുവനന്തപുരത്താണ്‌ മന്ത്രിയുള്ളത്‌. യോഗത്തിൽ പങ്കെടുത്ത എല്ലാവരും നിരീക്ഷണത്തിൽ പോകണം. തൃശൂർ കോർപ്പറേഷനിലെ ആരോഗ്യവിഭാഗം ഉദ്യോഗസ്‌ഥക്ക്‌ ആണ്‌ അസുഖം ബാധിച്ചത്‌. എവിടെനിന്നാണ്‌ രോഗം ബാധിച്ചത്‌ എന്ന്‌ അറിയില്ല .അതേസമയം കോർപ്പറേഷനിലെ ശുചീകരണ തൊഴിലാളിക്കും ആരോഗ്യവിഭാഗത്തിലെ ക്ലർക്കിനും രോഗം സ്‌ഥിരീകരിച്ചിട്ടുണ്ട്‌.
