ഗുരുവായൂർ ക്ഷേത്രത്തിൽ കാണിക്കയായി ലഭിച്ച ഥാര് ഇനി അമല് മുഹമ്മദിന്.ലേലത്തിന് ഭരണസമിതി അംഗീകാരം നല്കി.നടപടി പൂര്ത്തിയാവുന്നതോടെ ഥാര് ലേലത്തില് പിടിച്ച അമല് മുഹമ്മദ് അലിക്ക് തന്നെ ലഭിക്കും.നടപടികള് പൂര്ത്തിയാക്കാന് ദേവസ്വം കമ്മീഷണറുടെ അനുമതി തേടിയിട്ടുണ്ട്.
ലേലത്തില് വാഹനം സ്വന്തമാക്കിയ അമല് മുഹമ്മദിന് വാഹനം വിട്ടുകൊടുക്കുന്നതില് പുനരാലോചന വേണമെന്നായിരുന്നു ദേവസ്വം ചെയര്മാന് നേരത്തെ പറഞ്ഞിരുന്നത്.ജിഎസ്ടി അടക്കം 18 ലക്ഷം രൂപയാണ് അമല് ഥാറിന് നല്കേണ്ടി വരിക. 15 ലക്ഷം രൂപ ദേവസ്വം അടിസ്ഥാന വിലയിട്ട വാഹനം 15 ലക്ഷത്തി പതിനായിരം രൂപയ്ക്കാണ് എറണാകുളം സ്വദേശി അമല് സ്വന്തമാക്കിയത്.
അമലിനായി പിതാവാണ് ഥാര് ലേലത്തില് വാങ്ങിക്കുന്നത്.
എന്തുവില കൊടുത്തും ഥാര് സ്വന്തമാക്കണമെന്നായിരുന്നു നിര്ദേശമെന്ന് സുഭാഷ് പറഞ്ഞു.
15 ലക്ഷം രൂപയാണ് വാഹനത്തിന്റെ അടിസ്ഥാന വിലയായി ലേലത്തില് നിശ്ചയിച്ചിരുന്നത്. ഒരാള് മാത്രമാണ് ലേലത്തില് പങ്കെടുത്തിരുന്നത്.ഈ മാസം നാലാം തീയതിയാണ് ഗുരുവായൂരപ്പന് വഴിപാടായി മഹീന്ദ്രയുടെ ന്യൂജനറേഷന് എസ്.യു.വി ഥാര് സമര്പ്പിച്ചത്. റെഡ് കളര് ഡീസല് ഓപ്ഷന് ലിമിറ്റഡ് എഡിഷനാണ് സമര്പ്പിക്കപ്പെട്ടത്. വിപണിയില് 13 മുതല് 18 ലക്ഷം വരെ വിലയുള്ളതാണ് വാഹനം.
