സംസ്ഥാനത്ത് നാലുപേര്ക്ക് കൂടി ഒമൈക്രോണ് സ്ഥിരീകരിച്ചു. ഇതോടെ സംസ്ഥാനത്ത് ഒമൈക്രോണ് സ്ഥിരീകരിച്ചവരുടെ എണ്ണം 15 ആയി. നാല് പേരും തിരുവനന്തപുരം ജില്ലയിലാണുള്ളത്
തിരുവനന്തപുരത്ത് കഴിഞ്ഞ ദിവസം രോഗം സ്ഥിരീകരിച്ച 17 കാരന്റെ ബന്ധുക്കളാണ് ഇതില് രണ്ടുപേര്. 17കാരനൊപ്പം യുകെയില് നിന്നെത്തിയ അമ്മയ്ക്കും അമ്മൂമ്മയ്ക്കുമാണ് വൈറസ് ബാധ കണ്ടെത്തിയത്.
27 വയസുകാരി വിമാനത്തിലെ സമ്പര്ക്കപ്പട്ടികയിലുള്ളയാളാണ്. ഇവര് ഡിസംബര് 12-നാണ് യുകെയില് നിന്നും തിരുവനന്തപുരം വിമാനത്താവളത്തിലെത്തിയത്. തുടര്ന്ന് ക്വാറന്റൈനിലായ ഇവരെ 16ന് പരിശോധിച്ചപ്പോഴാണ് കോവിഡ് പോസിറ്റീവായത്. 32 വയസുകാരന് ഡിസംബര് 17ന് നൈജീരിയയില് നിന്നും എത്തിയതാണ്. എയര്പോര്ട്ട് പരിശോധനയില് കോവിഡ് പോസിറ്റീവായതിനെ തുടര്ന്ന് ആശുപത്രിയില് പ്രത്യേക വാര്ഡില് പ്രവേശിപ്പിച്ചു.
