തിരുവനന്തപുരം: മുട്ടില് മരംമുറി കേസില് അഗസ്റ്റിന് സഹോദരങ്ങള്ക്ക് തിരിച്ചടി. വിചാരണ സ്റ്റേ ചെയ്യണമെന്ന ഹര്ജിയാണ് കോടതി തള്ളിയത്. മുട്ടില് മരം മുറിയുമായി ബന്ധപ്പെട്ട് അമ്പലമേട് പൊലീസ് എടുത്ത കേസിലാണ് ഹൈക്കോടതിയുടെ നിലപാട്.
അതേസമയം, മുട്ടില് മരം മുറിയിലെ വഞ്ചനക്കേസില് പ്രതി റോജി അഗസ്റ്റിന് കോടതിയില് ഹാജരായി. ആന്റോ അഗസ്റ്റിനും ജോസ് കുട്ടി അഗസ്റ്റിനും എത്തിയില്ല. മറ്റ് പ്രതികള് എവിടെ എന്ന് കോടതി ചോദിച്ചു. ആളെ കളിയാക്കുകയാണോ എന്ന് ചോദിച്ച കോടതി റോജിയോട് മാറിനില്ക്കാനും ആവശ്യപ്പെട്ടു.
മാധ്യമങ്ങളോട് കയര്ത്ത റോജി അഗസ്റ്റിന്, മാധ്യമങ്ങള് കള്ളം പറയുന്നുവെന്നും തങ്ങള്ക്കെതിരെ ജാമ്യം ഇല്ലാ വാറണ്ട് പുറപ്പെടുവിച്ചു എന്നത് കള്ളമാണെന്നും ഹൈക്കോടതി ഹരജി തള്ളിയാല് വേറെ കോടതികള് ഉണ്ടല്ലോയെന്നും ചോദിച്ചു.
