ന്യൂ ഡൽഹി ; രാജ്യത്ത് കോവിഡ് വ്യാപനം തുടരുന്നു കഴിഞ്ഞ ദിവസം മാത്രം രാജ്യത്ത് 55,079 പേർക്ക് കോവിഡ് സ്ഥിരീകരിച്ചു. ഇതോടെ ആകെ രോഗികളുടെ എണ്ണം 27,02,743 ആയി. കഴിഞ്ഞ 24 മണിക്കൂറിനിടെ പുതുതായി 876 മരണം കൂടി റിപ്പോർട്ട് ചെയ്തതോടെ മരണസംഖ്യ 51,797 ആയി. കേന്ദ്ര ആരോഗ്യ മന്ത്രാലയമാണ് ഇക്കാര്യം അറിയിച്ചത്.
19,77,780 പേർ ഇതുവരെ രോഗമുക്തരായി. 73.18 ശതമാനമാണ് രാജ്യത്തെ രോഗമുക്തി നിരക്ക്. രോഗവ്യാപനം അതിരൂക്ഷമായ മഹാരാഷ്ട്രയിൽ രോഗികളുടെ എണ്ണം ആറ് ലക്ഷം കടന്നു. മരണം 20,265 ആയി. നിലവിൽ 6,73,166 പേരാണ് രാജ്യത്തുടനീളം ചികിത്സയിൽ തുടരുന്നത്.