കേരളത്തിലെ സര്‍ക്കാര്‍, എയ്ഡഡ്, സ്വാശ്രയ പോളിടെക്നിക്കുകളില്‍ ഒഴിവുള്ള ഏതാനും സീറ്റുകളിലേയ്ക്കുള്ള രണ്ടാമത് സ്പോട്ട് അഡ്മിഷന്‍ ജൂലൈ 19, 20, 22, 23 തിയതികളില്‍ അതത് ജില്ലകളിലെ നോഡല്‍ പോളിടെക്നിക്ക് കോളേജുകളില്‍ നടക്കും. ഓരോ ജില്ലകളില്‍ സ്പോട്ട് അഡ്മിഷന്‍ നടക്കുന്ന തിയതിയും സമയവും www.polyadmission.org എന്ന വെബ്സൈറ്റില്‍ പ്രസിദ്ധീകരിച്ചിട്ടുണ്ട്.
ജൂലൈ 7, 8, 16, 17 തിയതികളില്‍ വെബ്സൈറ്റില്‍ പേരു രജിസ്റ്റര്‍ ചെയ്തവര്‍ക്ക് സ്പോട്ട് അഡ്മിഷനില്‍ പങ്കെടുക്കാം. അവര്‍ രജിസ്ട്രേഷന്‍ സ്ലിപ്പിന്റെ പ്രിന്റ് ഔട്ട് ഹാജരാക്കണം. ഓരോ ജില്ലയില്‍ ഏത് റാങ്ക് വരെയുള്ളവര്‍ക്ക് പങ്കെടുക്കാം എന്നത് 18നു രാവിലെ 10 മണിക്ക് വെബ്സൈറ്റില്‍ പ്രസിദ്ധീകരിക്കും.
