കോഴിക്കോട് : സംസ്ഥാനത്ത് പ്രൈവറ്റ് ബസ്സ് ജീവനക്കാരുടെ ദുരവസ്ഥ മുൻ നിർത്തി കോഴിക്കോട് ജില്ലാ ബസ്സ് സംരക്ഷണ സമിതി 50 ഓളം കേന്ദ്രങ്ങളിൽ പ്രതിഷേധ സമരങ്ങൾ സംഘടിപ്പിച്ചു. കോഴിക്കോട്ടെ വിവിധ ഭാഗങ്ങളിലായി പ്ലക്കാർഡുകളും മുദ്രവാക്യങ്ങളും ഉയർത്തി പ്രതിഷേധങ്ങൾ സംഘടിപ്പിച്ചു. ഇതിന്റെ ഭാഗമായി കുന്ദമംഗലം, കൊടുവള്ളി, താമരശ്ശേരി തുടങ്ങിയ മേഖലകളിൽ പ്രതീകാത്മകമായി ബസ്സ് കെട്ടി വലിച്ചു കൊണ്ടുള്ള സമരം സംഘടിപ്പിച്ചു.
കുന്ദമംഗലം പഴയെ ബസ്റ്റാന്റ് പരിസരത്ത് നടന്ന പ്രതിഷേധ കൂട്ടായ്മയുടെ ഉദ്ഘാടനം ടി പി സുരേഷ് നിർവഹിച്ചു. ചടങ്ങിൽ കെ സുന്ദരൻ, രുചിവേലായുധൻ, പൂതക്കണ്ടി ബിജു, മുരളി കുന്ദമംഗലം എന്നിവർ സംസാരിച്ചു.
ദിവസേന ഇന്ധന വില വർധിപ്പിക്കുന്ന സാഹചര്യത്തിൽ, പ്രൈവറ്റ് ബസ്സുകൾ പുറത്തിറക്കാൻ കഴിയാതെ ദുരിതം അനുഭവിക്കുന്ന തൊഴിലാളികളെയും ഉടമകളെയും സർക്കാരുകൾ സംരക്ഷിക്കണമെന്നും പ്രൈവറ്റ് ബസ്സ് മേഖലയെ ഇല്ലായ്മ ചെയ്യുന്ന പ്രവർത്തനത്തിലേക്ക് കാര്യങ്ങൾ എത്തിക്കരുതതെന്നും ബസ്സ് സംരക്ഷണ സമിതി പ്രതിഷേധത്തിൽ അറിയിച്ചു. മുഴുവൻ തൊഴിലാളികളെയും സംരക്ഷിക്കുന്ന നടപടി സ്വീകരിക്കണമെന്ന് പ്രതിഷേധത്തിൽ അറിയിച്ചു.
