അറിയിപ്പ്

സര്‍ക്കാര്‍ ഡിപ്പോകളില്‍ നിന്ന് ഒഴുകിപ്പോയ തടികള്‍ ലഭിക്കുന്നവര്‍ അറിയിക്കണം
മലപ്പുറം ജില്ലയിലെ നെടുങ്കയം ഗവ. ടിമ്പര്‍ സെയില്‍സ് ഡിപ്പോ ആഗസ്റ്റ് ഏഴിന് അര്‍ധരാത്രിയോടെ കരിമ്പുഴ കരകവിഞ്ഞതിനെ തുടര്‍ന്ന് വെളളത്തില്‍ മുങ്ങി പോകുകകയുണ്ടായി. പാലക്കാട് സെയില്‍സ് ഡിവിഷന്റെ കീഴിലാണ് ഈ ഡിപ്പോ. ഡിപ്പോ ഓഫീസിനകത്തും മറ്റു കെട്ടിടങ്ങള്‍ക്കകത്തേക്കും വെളളം കയറിയതുകാരണം ഡിപ്പോയില്‍ സൂക്ഷിച്ചിട്ടുളള തടികള്‍ വെളളത്തില്‍ ഒഴുകി നഷ്ടപ്പെട്ടു.

ഏകദേശം 500 എം.ക്യൂബ്  തടി നഷ്ടപ്പെട്ടതായി കണക്കാക്കുന്നു. തടികള്‍ ചാലിയാര്‍ പുഴയിലൂടെ ഒഴുകി പുഴയുടെ തീര ഭാഗങ്ങളില്‍ അടിയാനിടയുണ്ട്. സര്‍ക്കാര്‍ തടി അനധികൃതമായി ഉപയോഗിക്കുന്നത് കുറ്റകരമായതില്‍ തടികള്‍ കണ്ട് കിട്ടുന്നവര്‍ 8547602117, 9447979175, 0491 2555800 എന്നീ നമ്പറുകളില്‍ വിവരം അറിയിക്കണം. 

നിലമ്പൂര്‍ മേഖലയിലുണ്ടായ ശക്തമായ മഴയും ഉരുള്‍പ്പൊട്ടലും മൂലം അരുവാക്കോട് കേന്ദ്ര വനം ഡിപ്പോയുടെ സമീപത്ത് കൂടി ഒഴുകുന്ന ചാലിയാര്‍ പുഴ കരകവിഞ്ഞ് ഒഴുകി ഡിപ്പോയുടെ ഒരു ഭാഗം മുഴുവന്‍ വെളളത്തില്‍ മുങ്ങി വില്‍പ്പനയ്ക്കായി വെച്ചിരുന്ന തേക്ക് തടികളും മറ്റിനം തടികളും വെളളത്തില്‍ ഒഴുകി പോയി. തടികള്‍ വിവിധ പുഴയോരങ്ങളിലോ കടല്‍ തീരങ്ങളിലോ അടിയുവാന്‍ സാധ്യതയുളളതിനാല്‍ 8547603874, 9447979175, 04931 220207  എന്നീ നമ്പറുകളിലോ, വനം ഓഫീസിലോ പൊലീസ് സ്റ്റേഷനുകളിലോ വിവരം അറിയിക്കണമെന്ന് ഡിപ്പോ റെയ്ഞ്ച്  ഓഫീസര്‍ എം മോഹന്‍ദാസ് അറിയിച്ചു.

സര്‍ക്കാര്‍ തടി അനധികൃതമായി കൈവശം വെയ്ക്കുന്നതും, ഉപയോഗിക്കുന്നതും മില്ലുകളില്‍ ഈര്‍ന്ന് തരം മാറ്റുന്നതും 1961 ലേ കേരള വന നിയമം പ്രകാരം കുറ്റകരമാണ്. പ്രവേശന പരീക്ഷ ആഗസ്റ്റ് 25  ലേക്ക് മാറ്റികേരള സ്റ്റേറ്റ് സിവില്‍ സര്‍വ്വീസ് അക്കാദമിയുടെ ഉപകേന്ദ്രമായ  ഇന്‍സ്റ്റിറ്റ്യൂട്ട് ഓഫ് കരിയര്‍ സ്റ്റഡീസ് ആന്റ് റിസര്‍ച്ച് പൊന്നാനിയില്‍ ആഗസ്റ്റ്  18  ന് നടക്കാനിരുന്ന സിവില്‍ സര്‍വ്വീസ് പ്രിലിംസ് കം മെയിന്‍സ് കോച്ചിങിനുളള പ്രവേശന പരീക്ഷ ആഗസ്റ്റ് 25 ലേക്ക് മാറ്റി. ടി.ഡി.സി, ഫൗണ്ടേഷന്‍, ത്രീ ഇയര്‍ സിവില്‍ സര്‍വീസ് ഫൗണ്ടേഷന്‍ ക്ലാസുകള്‍ 18  ന് ഉണ്ടായിരിക്കും. ഫോണ്‍ –  0494 2665489.
ഐ.ടി.ഐ  ഒന്നാം വര്‍ഷ ക്ലാസ്സുകള്‍ 19 ന് ആരംഭിക്കും   കല്‍പ്പറ്റ ഗവ. ഐ.ടി.ഐയിലെ  ഒന്നാം വര്‍ഷ ക്ലാസ്സുകള്‍ ആഗസ്റ്റ് 19 ന് ആരംഭിക്കുമെന്ന് പ്രിന്‍സിപ്പാള്‍ അറിയിച്ചു.  എല്ലാ ഒന്നാം വര്‍ഷ ട്രെയിനികളും കൃത്യം 10  മണിക്ക് രക്ഷിതാവിനോടൊപ്പം ഹാജരാകണം.

പരാതി പരിഹാര അദാലത്ത് മാറ്റി
ജില്ലാ കലക്ടറുടെ നേതൃത്വത്തില്‍ ഇന്ന് (ആഗസ്റ്റ് 17)  നടത്താനിരുന്ന കോഴിക്കോട് താലൂക്ക് തല പരാതി പരിഹാര അദാലത്ത് പ്രളയ ദുരിതാശ്വാസ പ്രവര്‍ത്തനത്തിന്റെ ഭാഗമായി മാറ്റിയതായി ജില്ലാ കലക്ടര്‍ അറിയിച്ചു. പുതുക്കിയ തിയ്യതി പിന്നീട് അറിയിക്കും. 

ഭൂമി ലേലംകൊടുവളളി വില്ലേജില്‍

പറമ്പത്ത്കാവ് ദേശത്ത് റീ.സ 9/1 ല്‍പ്പെട്ട 5.62 ആര്‍ ഭൂമി ആഗസ്റ്റ് 22 ന് രാവിലെ 11 ന് കൊടുവളളി വില്ലേജ് ഓഫീസില്‍ ലേലം ചെയ്യുമെന്ന് താമരശ്ശേരി തഹസിര്‍ദാര്‍ അറിയിച്ചു