എംഎല്എമാരുടെ ശുപാര്ശയുമായി കരാറുകാര് മന്ത്രിയുടെ അടുത്തേക്ക് വരരുതെന്ന പരാമര്ശത്തിൽ വിശദീകരണവുമായി പൊതുമരാമത്ത്-ടൂറിസം വകുപ്പ് മന്ത്രി പിഎ മുഹമ്മദ് റിയാസ്.എംഎല്എമാരെ കൂട്ടി കരാറുകാര് കാണാന് വരുന്നതുമായി ബന്ധപ്പെട്ട് തന്റെ പ്രസ്താവനയില് ഉറച്ച് നില്ക്കുന്നുവെന്നും ഒരടി പിന്നോട്ടില്ലെന്നും മന്ത്രി പറഞ്ഞു . നിയമസഭയില് താന് നടത്തിയ പ്രസംഗം ഇടതുമുന്നണിയുടെ നിലപാടാണെന്നും അത് പിന്വലിക്കേണ്ട സാഹചര്യമില്ലെന്നും അദ്ദേഹം അഭിപ്രായപ്പെട്ടു.
അവിശുദ്ധ കൂട്ടുകെട്ടുണ്ടെന്നും കരാറുകാരെ സംബന്ധിച്ച കാര്യങ്ങള് പറഞ്ഞത് ആലോചിച്ച് ഉറപ്പിച്ചാണെന്നും റിയാസ് പറഞ്ഞു. ഉറക്കത്തില് പറഞ്ഞതല്ല അതുകൊണ്ട് തന്നെ ഖേദം പ്രകടിപ്പിച്ചിട്ടുമില്ല. കരാറുകാരുടെ പ്രശ്നങ്ങളില് ഇടപെട്ടിട്ടുണ്ട്. താന് പറയുന്നത് എല്ലാ കരാറുകാരും ഉദ്യോഗസ്ഥരും ഒരുപോലെയാണെന്നല്ല. ചിലര് തമ്മില് അവിശുദ്ധ കൂട്ടുക്കെട്ടുണ്ടെന്നാണ് പറഞ്ഞത്.സ്വന്തം മണ്ഡലത്തില് പൊതുമരാമത്ത് പ്രവര്ത്തിയുമായി ബന്ധപ്പെട്ട പ്രശ്നങ്ങളുണ്ടെങ്കില് എംഎല്എമാര്ക്ക് മന്ത്രിയെ കാണാം. എന്നാല് മറ്റൊരു മണ്ഡലത്തിലെ പ്രവര്ത്തിയുമായി ബന്ധപ്പെട്ട് ആ മണ്ഡലത്തിന്റെ പ്രതിനിധിയല്ലാത്ത എംഎല്എ വരേണ്ടതില്ല.അതല്ലാത്ത നെക്സസിന് സഹായമാകുന്ന തരത്തില് അതില് പെട്ടുപോകരുത്.’ മുഹമ്മദ് റിയാസ് പറഞ്ഞു.
