സിപിഐഎം തിരുവനന്തപുരം ജില്ലാ സമ്മേളനത്തോടനുബന്ധിച്ച് നടത്തിയ മെഗാ തിരുവാതിരക്കെതിരെ വിമര്ശനങ്ങള്.ജില്ലാ സമ്മേളനത്തോടനുബന്ധിചാണ് 502 പേര് പങ്കെടുത്ത മെഗാ തിരുവാതിര അരങ്ങേറിയത്.പൊളിറ്റ് ബ്യൂറോ അംഗം എം.എ.ബേബി ഉള്പ്പെടെ മുതിര്ന്ന നേതാക്കൾ കാഴ്ചക്കാരായിരുന്നു ജനാധിപത്യ മഹിളാ അസോസിയേഷന് പാറശാല ഏരിയ കമ്മിറ്റിയുടെ നേതൃത്വത്തിലാണ് പരിപാടി നടന്നത്. ചെറുവാരക്കോണം സിഎസ്ഐ സ്കൂള് ഗ്രൗണ്ടിൽ നടന്ന തിരുവാതിര പരിപാടി കാണാന് വലി തോതില് ജനങ്ങളുമെത്തിയിരുന്നു.എം.എ.ബേബിയെ കൂടാതെ, ജില്ലാ സെക്രട്ടറി ആനാവൂര് നാഗപ്പന്, സി.കെ.ഹരീന്ദ്രന് എംഎല്എ തുടങ്ങിയ നേതാക്കളും പരിപാടി കാണാനെത്തി. സര്ക്കാരിന്റെ ഭരണ നേട്ടങ്ങളും പാര്ട്ടി ചരിത്രവുമായിരുന്നു തിരുവാതിരകളിപ്പാട്ടിന്റെ പ്രമേയം.
കൊവിഡ് കേസുകൾ ഉയരുന്നത് കണക്കിലെടുത്ത് സംസ്ഥാനത്ത് കഴിഞ്ഞ ദിവസം ആൾക്കൂട്ടങ്ങൾക്ക് കർശന നിയന്ത്രണം ഏര്പ്പെടുത്തിയിരുന്നു. വിവാഹ-മരണ ചടങ്ങുകളിൽ പങ്കെടുക്കാവുന്നത് പരാമവധി 50 പേരായി ചുരുക്കി. പൊതുപരിപാടികൾ ഓൺലൈനാക്കണം, പൊതുയോഗങ്ങൾ കഴിവതും ഒഴിവാക്കണമെന്നും സര്ക്കാര് നിര്ദ്ദേശം നല്കിയിരുന്നു.
സമ്മേളനത്തോടനുബന്ധിച്ച് നടത്തിയ സിപിഎമ്മിന്റെ മെഗാ തിരുവാതിര വിവാദത്തിൽ,പങ്കെടുത്തത് 500 ലേറെ പേര്;
