കോഴിക്കോട് : രോഗ വ്യാപന സാധ്യത കണക്കിലെടുത്ത് കുന്ദമംഗലം ഗ്രാമപഞ്ചായത്തിനു കീഴിൽ നടത്തിയ കോവിഡ് ആർ ടി പി സി ആർ പരിശോധനയിൽ കുന്ദമംഗലം പഞ്ചായത്തിലെ 43 പേർക്ക് കൂടി കോവിഡ് സ്ഥിരീകരിച്ചു. ഒക്ടോബർ ഒൻപതിന് ചൂലാം വയൽ സ്കൂളിൽ വെച്ച് നടന്ന കോവിഡ് പരിശോധനയിലാണ് ആശങ്ക ഉയർത്തുന്ന കണക്കുകൾ പുറത്ത് വന്നത്
അന്നേ ദിവസം നടത്തിയ ആന്റിജൻ പരിശോധനയിൽ കുന്ദമംഗലത്ത് 36 പേർക്കു രോഗം സ്ഥിരീകരിച്ചിരുന്നു വാർത്ത നേരത്തെ പുറത്ത് വന്നതാണ്. ഇതോടെ ചൂലാം വയൽ സ്കൂളിൽ വെച്ച് നടന്ന കോവിഡ് പരിശോധനകളിൽ കുന്ദമംഗലത്ത് രോഗം സ്ഥിരീകരിക്കുന്നവരുടെ എണ്ണം 79 ആയി.
ഇതിനു പുറമെ സ്വകാര്യ ആശുപത്രികളിൽ പരിശോധന നടത്തിയ പത്തോളം കേസുകൾ പോസിറ്റീവായ വിവരം പുറത്ത് വരുന്നുണ്ട്. ഇന്ന് വൈകുന്നേരത്തോടെ ഈ കണക്കുകൾ പുറത്ത് വരും. നിലവിൽ കുന്ദമംഗലം പഞ്ചായത്തിന് കീഴിൽ ജനങ്ങൾ ജാഗ്രത ശക്തമായി തുടരേണ്ട സാഹചര്യം നില നിൽക്കുകയാണ്. ജനങ്ങൾ സ്വമേധയാ ട്രിപ്പിൾ ലോക്ക് ഡൌൺ പ്രഖ്യാപിച്ച് ആവിശ്യങ്ങൾക്കു മാത്രം പുറത്തിറങ്ങേണ്ട രീതി പിന്തുടരേണ്ടതാണ്. നിലവിലെ അവസ്ഥ അത്രയും ഗുരുതരമാണെന്നാണ് കണക്കുകൾ പറയുന്നത്
(കോവിഡ് വാർഡ് തല കണക്കുകൾ അല്പസമയത്തിനുള്ളിൽ നൽകുന്നതായിരിക്കും )