സംസ്ഥാനത്ത് സ്കൂളുകള് തുറക്കുന്നതിനെക്കുറിച്ച് തീരുമാനമെടുക്കാന് ഈ മാസം 17 ാം തിയതി മുഖ്യമന്ത്രി യോഗം വിളിച്ചു.മന്ത്രിമാരും ഉന്നത ഉദ്യോഗസ്ഥരും പങ്കെടുക്കും. കൊവിഡ് സാഹചര്യത്തില് സ്കൂളുകള് തുറക്കുന്നത് കുറച്ചുനാളുകളായി നീട്ടിവച്ചിരിക്കുകയായിരുന്നു.യോഗത്തില് ആരോഗ്യ വകുപ്പ് മന്ത്രിയും ആരോഗ്യ വിദഗ്ധരും പങ്കെടുക്കും. ജനുവരി ആദ്യത്തോടെ സ്കൂളുകള് തുറക്കണമെന്നാണ് വിദഗ്ധ സമിതിയുടെ നിര്ദേശം.
പത്ത്, പ്ലസ് ടു ക്ലാസുകളില് പൊതുപരീക്ഷകള് നടത്തേണ്ടതുണ്ട്. പ്രാക്ടിക്കല് ക്ലാസുകളും നടത്തണം. ഈ സാഹചര്യത്തിലാണ് സ്കൂളുകള് തുറക്കുന്നതിനെക്കുറിച്ച് ചര്ച്ച ചെയ്യുന്നതിനായി യോഗം വിളിച്ചിരിക്കുന്നത്.
