കുന്ദമംഗലം : മുഖ്യ മന്ത്രിയുടെ ഓഫീസിന് കള്ളക്കടത്ത് ബന്ധമെന്നാരോപിച്ച് ബി ജെ പി കുന്ദമംഗലം ഏരിയ കമ്മറ്റി പ്രതിഷേധ ധർണ്ണാ സമരം സംഘടിപ്പിച്ചു. ബി ജെപി ജില്ലാ സെക്രട്ടറി തളത്തിൽ ചക്രായുധൻ സമരം ഉദ്ഘാടനം ചെയ്തു.
മിനി കൂപ്പർ മുതൽ സ്വപ്‍ന വരെ എന്ന മാഫിയ,കള്ളക്കടത്ത് ലോബികൾക്കും വേണ്ടിയാണ് മുഖ്യ മന്ത്രിയും മുഖ്യമന്ത്രിയുടെ ഓഫീസും പ്രവർത്തിക്കുന്നതെന്ന് അദ്ദേഹം ഉദ്ഘാടന പ്രസംഗത്തിൽ വിമർശിച്ചു.
ഒ ബി സി മോർച്ച കോഴിക്കോട് ജില്ലാ ട്രഷറർ കെ സി രാജൻ, കുന്ദമംഗലം നിയോജക മണ്ഡലം വൈസ് പ്രസിഡന്റ് ചന്ദ്രൻ ,ബി ജെ പി മുൻ സംസ്ഥാന സമിതി അംഗം കാളിദാസൻ എന്നിവർ ആശംസകൾ അർപ്പിച്ച് സംസാരിച്ചു. ഏരിയ പ്രസിഡന്റ് വി അധ്യക്ഷനായ പരിപാടിയിൽ സെക്രട്ടറി നവീൻ കുമാർ സ്വാഗതവും, വൈസ് പ്രസിഡന്റ് ജയപ്രകാശൻ നന്ദിയും രേഖപെടുത്തി
