സ്വര്ണക്കടത്തുകേസില് കെ ടി ജലീല് നല്കിയ പരാതിയില് കേസെടുത്തതിന് പിന്നാലെ സ്വപ്ന സുരേഷ് മുന്കൂര് ജാമ്യാപേക്ഷ നല്കി.പോലീസിനെ ഉപയോഗിച്ച് വേട്ടയാടാന് നീക്കമുണ്ടെന്ന് ഹര്ജിയില് ആരോപിക്കുന്നു.കോടതിയുടെ അടിയന്തര ഇടപെടല് ഉണ്ടാകണം. ഇന്ന് തന്നെ മുന്കൂര് ജാമ്യാപേക്ഷ പരിഗണിക്കണം എന്നും ഹര്ജിയില് ആവശ്യമുന്നയിച്ചിട്ടുണ്ട്.പി സി ജോര്ജുമായി ചേര്ന്ന് ഗൂഢാലോചന നടത്തി, കലാപമുണ്ടാക്കാന് ശ്രമിച്ചു തുടങ്ങിയ വകുപ്പുകള് ചുമത്തിയാണ് സ്വപ്നയ്ക്കെതിരെ തിരുവനന്തപുരം കന്റാണ്മെന്റ് പൊലീസ് കേസ് രജിസ്റ്റര് ചെയ്തത്. ഈ കേസില് തന്നെ അറസ്റ്റ് ചെയ്ത് ജലിലിട്ട് പീഡിപ്പിക്കാനാണ് സര്ക്കാര് ശ്രമിക്കുന്നതെന്നും സ്വപ്ന ഹര്ജിയില് ആരോപിക്കുന്നു. അതേസമയം സരിത്തിന്റെ വിജിലൻസ് പിടിച്ചെടുത്ത മൊബൈൽ ഫോൺ ഫോറൻസിക് പരിശോധനക്ക് അയക്കും. പാലക്കാട് വിജിലൻസ് യൂണിറ്റ് പിടിച്ചെടുത്ത ഫോൺ തിരുവനന്തപുരത്ത് എത്തിക്കും. ഈ ഫോണിൽ നിന്നും സരിത്ത് ആരെയെല്ലാം ബന്ധപ്പെട്ടുവെന്ന് കണ്ടെത്താനാണ് വിജിലൻസ് സംഘത്തിന്റെ നീക്കം.
മുന്കൂര് ജാമ്യം തേടി സ്വപ്ന സുരേഷ് ഹൈക്കോടതിയില്,വിജിലൻസ് പിടിച്ചെടുത്ത സരിത്തിന്റെ ഫോണ് ഫോറന്സിക് പരിശോധനയ്ക്ക് അയക്കും
