ന്യൂഡല്ഹി: ലോക്സഭാ തെരഞ്ഞെടുപ്പിന്റെ വോട്ടെണ്ണല് ഒന്നര മണിക്കൂര് പിന്നിടുമ്പോള് സുപ്രധാന മണ്ഡലങ്ങളിലൊന്നായ യു.പിയിലെ റായ്ബറേലിയില് കോണ്ഗ്രസ് സ്ഥാനാര്ഥി രാഹുല് ഗാന്ധി മുന്നില്.
ബിജെപിയുടെ ദിനേശ് പ്രതാപ് സിങ്ങാണ് പിന്നില്. അതേസമയം, രാഹുല് മത്സരിക്കുന്ന മറ്റൊരു മണ്ഡലമായ വയനാട്ടിലും അദ്ദേഹം മുന്നിലാണ്. എല്ഡിഎഫിന്റെ ആനി രാജയാണ് രണ്ടാമത്.
അമേഠിയില് ബിജെപി സ്ഥാനാര്ഥി സ്മൃതി ഇറാനി പിന്നിലാണ്. ഇവിടെ കോണ്ഗ്രസ് സ്ഥാനാര്ഥി കിഷോരി ലാല് ശര്മയാണ് മുന്നില്.
കനൗജില് എസ്.പി അധ്യക്ഷന് അഖിലേഷ് യാദവും ഗുജറാത്തിലെ ഗാന്ധിനഗറില് കേന്ദ്ര ആഭ്യന്തര മന്ത്രി അമിത് ഷായും മുന്നിലാണ്.
ഹരിയാനയിലെ കര്ണാല് മണ്ഡലത്തില് മുന് മുഖ്യമന്ത്രിയും ബിജെപി നേതാവുമായ മനോഹര്ലാല് ഖട്ടര് പിന്നിലാണ്. ഇവിടെ കോണ്ഗ്രസ് സ്ഥാനാര്ഥിയും ഹരിയാന യൂത്ത് കോണ്ഗ്രസ് മുന് അധ്യക്ഷനുമായ ദിവ്യാന്ഷു ബുദ്ധിരാജയാണ് ലീഡ് ചെയ്യുന്നത്.
