തിരുവനന്തപുരം: എഡിജിപി അജിത് കുമാറിനെതിരെ അന്വേഷണം പ്രഖ്യാപിച്ച് മുഖ്യമന്ത്രി. സിപിഐഎം എംഎല്എ പി വി അന്വറിന്റെ ആരോപണങ്ങളുടെ പശ്ചാത്തലത്തിലാണ് നടപടി. വിഷയം ഡിജിപി അന്വേഷിക്കും. എത്ര ഉന്നതനായാലും നടപടിയുണ്ടാകുമെന്നും മുഖ്യമന്ത്രി പറഞ്ഞു. എല്ലാ കാര്യവും ശരിയായ നിലയില് സര്ക്കാര് പരിശോധിക്കും. ചില പ്രശ്നങ്ങള് ഉയര്ന്ന് വന്നിട്ടുണ്ട്. പ്രശ്നങ്ങളെ അതിന്റെ എല്ലാ ഗൗരവവും നില നിര്ത്തി തന്നെ ഉന്നത പൊലീസ് ഉദ്യോഗസ്ഥന് അന്വേഷിക്കും. അച്ചടക്കം തടസപ്പെടുത്തുന്ന നടപടികള് വച്ചു പൊറുപ്പിക്കില്ലെന്നും ലംഘിച്ചാല് നടപടിയുണ്ടാവുമെന്നും മുഖ്യമന്ത്രി പറഞ്ഞു. കോട്ടയത്ത് നടക്കുന്ന പൊലീസ് അസോസിയേഷന്റെ സംസ്ഥാന സമ്മേളന സമാപന വേദിയിലാണ് മുഖ്യമന്ത്രിയുടെ പരാമര്ശങ്ങള്.
എഡിജിപി എം. ആര് അജിത് കുമാറിനെതിരെ അന്വേഷണം
