വിത്ത്ഡ്രോവല് സിന്ഡ്രം ഉള്ളവര്ക്ക് മദ്യം വിതരണം ചെയ്യാമെന്ന കേരള സര്ക്കാര് ഉത്തരവ് ഹൈക്കോടതി സ്റ്റേ ചെയ്തു.മദ്യം വിതരണം ചെയ്യാനുള്ള സര്ക്കാര് ഉത്തരവും ഇതിനോടനുബന്ധിച്ച് ബെവ്കോ എംഡി പുറപ്പെടുവിച്ച ഉത്തരവും കോടതി സ്റ്റേ ചെയ്തു. ഡോക്ടറുടെ കുറിപ്പടി പ്രകാരം ആഴ്ചയില് മൂന്ന് ലിറ്റര് മദ്യം ലഭ്യമാക്കാമെന്നായിരുന്ന സര്ക്കാരിന്റെ ഉത്തരവ്.
ഐഎംഎ ഉള്പ്പെടെയുള്ള ഡോക്ടര്മാരുടെ സംഘടനകള് സര്ക്കാര് ഉത്തരവിന് എതിരെ രംഗത്തെത്തിയിരുന്നു. മദ്യത്തിന് കുറിപ്പടി നല്കണമെന്ന സര്ക്കാര് ഉത്തരവില് വ്യക്തതയില്ലെന്നും കോടതി ചൂണ്ടിക്കാട്ടി.
ഒരു രോഗിക്ക് എന്ത് കുറിച്ചു നല്കണമെന്ന് സംസ്ഥാന സര്ക്കാരല്ല തീരുമാനിക്കുന്നത്. ഇത്തരത്തില് പ്രിസ്ക്രിപ്ഷന് നല്കേണ്ടത് ഡോക്ടര്മാരാണ്. സംസ്ഥാന സര്ക്കാര് ഡോക്ടര്മാരാകേണ്ട. ഡോക്ടര്മാര് മദ്യം നല്കാന് കുറിപ്പടിയെഴുതുകയും ഇത് എക്സൈസ് എടുത്ത് നല്കുകയും ചെയ്യുന്ന രീതി പരിഹാസ്യമാണെന്നും കോടതി പറഞ്ഞു.