ആദ്യകാല കമ്മ്യൂണിസ്റ്റ് നേതാവും സ്വാതന്ത്ര്യ സമര സേനാനിയുമായിരുന്ന പി ജി വേലായുധൻ നായരുടെ 11-ാം ചരമവാർഷിക ദിനത്തിൽ സംഘടിപ്പിക്കുന്ന അനുസ്മരണ സമ്മേളനം നിയമസഭാ സ്പീക്കർ തിരുവഞ്ചൂർ രാധാകൃഷ്ണൻ സമ്മേളനം ഉദ്ഘാടനം ചെയ്യും. നവംബർ-2ന് വൈകുന്നേരം മൂന്ന് മണിക്ക് തിരുവനന്തപുരം പ്രസ് ക്ലബ്ബ് ഹാളിലാണ് സമ്മേളനം നടക്കുക.
ചലച്ചിത്രനടനും, എഴുത്തുകാരനും , കേരള സ്റ്റേറ്റ് ഫിലിംഡവലപ്മെന്റ് കോർപറേഷൻ ചെയർമാനുമായ പ്രേംകുമാർ ചടങ്ങിൽ മുഖ്യാതിഥിയാകും. അഡ്വ. കോലിയക്കോട് കൃഷ്ണൻ നായർ, അഡ്വ ജെ വേണുഗോപാലൻ നായർ എന്നീ മുതിർന്ന നേതാക്കൾ പി ജിയുമൊത്തുള്ള ഓർമ്മകൾ പങ്കിടും. കേരകർഷക സംഘം സംസ്ഥാന പ്രസിഡണ്ട് എ.പ്രദീപൻ പി ജി അനുസ്മരണ സമ്മേളനത്തിൽ അധ്യക്ഷനാകും. നവയുഗം എഡിറ്റർ ആർ അജയൻ, കേരകർഷക സംഘം സംസ്ഥാന ജനറൽ സെക്രട്ടറി തലയിൽ കൃഷ്ണൻ നായർ എന്നിവർ അനുസ്മരണ പ്രഭാഷണം നടത്തും. പി.ജി. കടുംബ ട്രസ്റ്റിന് വേണ്ടി ചലച്ചിത്ര സംവിധായകൻ അനിൽ വി നാഗേന്ദ്രൻ സ്വാഗതവും , അജികുമാർ എം കൃതജ്ഞതയും രേഖപ്പെടുത്തും
