ജാര്ഖണ്ഡ് മുന് മുഖ്യമന്ത്രി ഷിബു സോറന് അന്തരിച്ചു
ന്യൂഡല്ഹി: ജാര്ഖണ്ഡ് മുന് മുഖ്യമന്ത്രി ഷിബു സോറന് (81) അന്തരിച്ചു. വൃക്കസംബന്ധമായ അസുഖത്തെ തുടര്ന്ന് ചികിത്സയിലായിരുന്നു. ദില്ലിയിലെ ഗംഗാറാം ആശുപത്രിയിലായിരുന്നു ചികിത്സ. രാവിലെ 8.56ഓടു കൂടിയാണ് മരണം സ്ഥിരീകരിച്ചത്. ജാര്ഖണ്ഡ് മുഖ്യമന്ത്രിയായ ഹേമന്ത്സോറന്റെ പിതാവാണ് ഷിബു സോറന്. ഒന്നരമാസത്തോളമായി വെന്റിലേറ്ററിന്റെ പിന്തുണയോടെയാണ് ജീവന് നിലനിര്ത്തിയിരുന്നതെന്ന് മെഡിക്കല് ബുള്ളറ്റിനില് പറയുന്നു. ഇന്നലെ മകന് ആശുപത്രിയില് ഷിബു സോറനെ സന്ദര്ശിച്ചിരുന്നു. പിതാവിന്റെ ആരോഗ്യനില ഗുരുതരമാണെന്ന് അതിന് ശേഷം മാധ്യമങ്ങളോട് വ്യക്തമാക്കുകയും ചെയ്തു. ഇന്ത്യന് രാഷ്ട്രീത്തില് ഒരു അവിഭാജ്യഘടകമായിരുന്നു ഷിബു സോറന്. […]
