ഇന്ന് രാവിലെ പാലക്കാട് മുണ്ടൂരിലെ ഫർണീച്ചർ സ്ഥാപനത്തിൽ അന്യ സംസ്ഥാന തൊഴിലാളികൾ തമ്മിലുണ്ടായ സംഘർഷത്തിൽ ഒരാൾ കൊല്ലപ്പെട്ടു. ഉത്തർപ്രദേശ് സരൺപൂർ സ്വദേശി വസീം ആണ് കൊല്ലപ്പെട്ടത്. സംഭവത്തിൽ 2 പേർക്ക് പരുക്കേറ്റു.. വസീമിന്റെ ബന്ധുവായ വാജിദ് ആണ് പ്രതിയെന്ന് പൊലീസ് പറഞ്ഞു. സംഭവ ശേഷം വാജിദ് കഴുത്തുമുറിച്ച് ആത്മഹത്യയ്ക്ക് ശ്രമിച്ചു. ഗുരുതരമായി പരുക്കേറ്റ വാജിദിനെ തൃശൂർ മെഡിക്കൽ കോളജിൽ പ്രവേശിപ്പിച്ചു. കൊലപ്പെടുത്താനുള്ള കാരണം വ്യക്തമല്ല. സംഭവത്തിൽ അന്വേഷണം ആരംഭിച്ചിട്ടുണ്ടെന്നും പൊലീസ് അറിയിച്ചു.

അരൂര്‍ എളയിടത്ത് വോളിബോള്‍ മത്സരം കഴിഞ്ഞു മടങ്ങുകയായിരുന്ന യുവാവിനെ അജ്ഞാത സംഘം തട്ടിക്കൊണ്ടു പോയി. പേരാമ്പ്ര പന്തിരിക്കര സ്വദേശി ചെമ്പു നടക്കണ്ടിയില്‍ അജ്‌നാസ് (30) നെയാണ് നമ്പര്‍ പ്ലേറ്റില്ലാത്ത ഇന്നോവ കാറിലെത്തിയ സംഘം തട്ടിക്കൊണ്ട് പോയത്. വെള്ളിയാഴ്ച പുലര്‍ച്ച 12.30 ഓടെയാണ് സംഭവം. വോളിബോള്‍ മത്സരം കഴിഞ്ഞു മടങ്ങവേ അഞ്ച് പേരടങ്ങുന്ന സംഘം അജ്‌നാസും സുഹൃത്തുക്കളും സഞ്ചരിച്ചിരുന്ന താര്‍ ജീപ്പ് തടഞ്ഞ് നിര്‍ത്തുകയും ടയറിന്റെ കാറ്റ് ഒഴിച്ച് വിടുകയും ചെയ്തു. തുടര്‍ന്ന് അജ്നാസിനെയും സുഹൃത്തുക്കളെയും മര്‍ദിക്കുകയും അജ്നാസിനെ […]

ഒറ്റപ്പാലം നഗരത്തില്‍ പൂട്ടിയിട്ടിരുന്ന വീടു കുത്തിത്തുറന്നു മോഷണം. പണവും സ്വര്‍ണം, വജ്രം ആഭരണങ്ങളുമാണ് കവര്‍ന്നത്. ഈസ്റ്റ് ഒറ്റപ്പാലം പുലായ്ക്കല്‍ ഡോ. ഷാമില്‍ മുഹമ്മദിന്റെ വീട്ടിലാണ് മോഷണം നടന്നത്. 20 പവന്‍ സ്വര്‍ണാഭരണങ്ങളും രണ്ട് ലക്ഷം രൂപയും വജ്ര ആഭരണങ്ങളുമാണു മോഷ്ടിക്കപ്പെട്ടത്. ചൊവ്വാഴ്ച രാത്രി ഏഴരയ്ക്കും ഒന്‍പതരയ്ക്കും മധ്യേയാണു മോഷണം. ഡോക്ടര്‍ പെരിന്തല്‍മണ്ണയിലേക്കും മറ്റു കുടുംബാംഗങ്ങള്‍ വീടു പൂട്ടി പഴയ ലക്കിടിയിലെ ബന്ധു വീട്ടിലേക്കും പോയതായിരുന്നു. കുടുംബാംഗങ്ങള്‍ തിരിച്ചെത്തിയപ്പോഴാണു മോഷണം ശ്രദ്ധയില്‍പ്പെട്ടത്. വീടിന്റെ പിന്നിലെ ഇരുമ്പുവാതില്‍ വഴിയാണു മോഷ്ടാവ് […]

ഒമ്പതു വയസുകാരനെ ക്രൂരമായി ഉപദ്രവിച്ച ബന്ധു അറസ്റ്റില്‍. തൈക്കൂടത്ത് മൂന്നാംക്ലാസുകാരനെ തേപ്പുപെട്ടി ഉപയോഗിച്ചും ചട്ടുകം വച്ചും പൊള്ളിച്ച് സഹോദരീ ഭര്‍ത്താവാണ് ഉപദ്രവിച്ചത്. കുട്ടിയെ ബന്ധുക്കള്‍ ഇടപെട്ട് തൃപ്പൂണിത്തുറ സര്‍ക്കാര്‍ ആശുപത്രിയില്‍ പ്രവേശിപ്പിച്ചു. അങ്കമാലി സ്വദേശി പ്രിന്‍സിനെയാണ് പൊലീസ് അറസ്റ്റു ചെയ്തത്. കുട്ടിയെ ഉപദ്രവിക്കുന്നത് നാട്ടുകാരും വാര്‍ഡ് ജനപ്രതിനിധിയും ചേര്‍ന്ന് അറിയിച്ചതിനെ തുടര്‍ന്ന് ജുവനൈല്‍ ജസ്റ്റിസ് ആക്ട്, ഐപിസി വകുപ്പുകള്‍ പ്രകാരമാണ് പ്രതിയെ അറസ്റ്റു ചെയ്തത്. പൊള്ളലേറ്റ കുഞ്ഞിന്റെ പിതാവ് ഏതാനും വര്‍ഷങ്ങളായി പക്ഷാഘാതം ബാധിച്ച് അബോധാവസ്ഥയിലാണ്. പിതാവിന് […]