മലപ്പുറം കടന്നമണ്ണ സ്വദേശി മാധവി (70) മഞ്ചേരി മെഡിക്കല്‍ കോളേജ് ആശുപത്രിയില്‍ വെച്ച് മരണപ്പെട്ടു. ആലപ്പുഴ കൃഷ്ണപുരം സ്വദേശി മോഹനന്‍, പുന്നപ്ര തെക്ക് സ്വദേശി അഷ്‌റഫ് എന്നിവരും ഇന്ന് മരിച്ചു. നെഞ്ച് വേദനയും ശ്വാസമുട്ടലുമായി കായംകുളം താലൂക്ക് ആശുപത്രിയില്‍ പ്രവേശിപ്പിച്ച മോഹനന് മരണശേഷമുള്ള സ്രവ പരിശോധനയിലാണ് കൊവിഡ് സ്ഥിരീകരിച്ചത്. ഇത് വരെ 234 മരണം സംസ്ഥാനത്ത് ഔദ്യോഗികമായി സ്ഥിരീകരിച്ചു.

സംസ്ഥാനത്ത് ഒരു കൊവിഡ് മരണം കൂടി. പത്തനംതിട്ട ഊന്നുകല്‍ സ്വദേശി ലിസി (63) ആണ് മരിച്ചത്. കൊവിഡ് ബാധിച്ച് പത്തനംതിട്ട ജനറല്‍ ആശുപത്രിയില്‍ ചികിത്സയില്‍ ആയിരുന്നു. കേരളത്തില്‍ ഇന്നത്തെ മൂന്നാമത്തെ കൊവിഡ് മരണമാണിത്. നേരത്തെ കാസര്‍ഗോട്ടും ഇടുക്കിയിലുമാണ് മരണം റിപ്പോര്‍ട്ട് ചെയ്തത്. കാസര്‍ഗോഡ് പൈവളിക തിമരടുക്കയിലെ അബ്ബാസും ഇടുക്കിയില്‍ കട്ടപ്പന സ്വദേശി സുവര്‍ണഗിരി കുന്നുംപുറത്ത് ബാബുവും ആണ് മരിച്ചത്