റഡാര് സിഗ്നല് ലോറിയുടേതല്ല, പരിശോധനയില് ഒന്നും കണ്ടെത്തിയിട്ടില്ലെന്ന് എന്ഐടി സംഘം; രക്ഷാപ്രവര്ത്തനത്തിന് സൈന്യമിറങ്ങണമെന്ന് അര്ജുന്റെ ബന്ധുക്കള്
കര്ണാടക ഷിരൂരിലെ മണ്ണിടിച്ചിലില് കോഴിക്കോട് സ്വദേശി അര്ജുനെ കാണാതായിട്ട് 120 മണിക്കൂര് പിന്നിടുമ്പോള് റഡാര് സിഗ്നല് ലോറിയുടേതല്ല എന്ന വിവരമാണ് പുറത്ത് വരുന്നത്. സിഗ്നല് ലോറിയുടേതായിരുന്നില്ലെന്നും വലിയ പാറക്കല്ലോ മറ്റോ ആകാനാണ് സാധ്യതയെന്നും എന്ഐടി സംഘം വ്യക്തമാക്കി. വന്മരങ്ങളും പാറക്കല്ലുകളും മണ്ണിനൊപ്പമുള്ളതിനാല് റഡാറില് സിഗ്നല് ലഭിക്കുന്നതിനും പ്രയാസം നേരിടുന്നുണ്ട്.അതേസമയം ലോറിയുടെ ലൊക്കേഷന് റഡാര് പരിശോധനയില് കണ്ടെത്തിയെന്ന റിപ്പോര്ട്ടുകള് നേരത്തെ പുറത്തുവന്നിരുന്നു. എന്നാല് ഇത് പിന്നിട് ഐഐടി സംഘം നിഷേധിച്ചു. അതേ സമയം കൂടുതല്പേര് മണ്ണിനടിയില് കുടുങ്ങിക്കിടക്കുന്നതായി സംശയം. […]
