തിരുവനന്തപുരം :സംസ്ഥാനതല അന്താരാഷ്ട്ര വനദിനാചരണം മുഖ്യമന്ത്രി പിണറായി വിജയൻ ഉദ്ഘാടനം ചെയ്തു. തിരുവനന്തപുരത്ത് ജിമ്മി ജോര്ജ്ജ് ഇന്ഡോര് സ്റ്റേഡിയത്തില് നടന്ന പരിപാടിയിൽ മന്ത്രി എ.കെ.ശശീന്ദ്രന്റെ അധ്യക്ഷത വഹിച്ചു. സ്പെഷ്യല് റിക്രൂട്ട്മെന്റ് വഴി വന സംരക്ഷണ ജീവനക്കാരായി (ബീറ്റ് ഫോറസ്റ്റ് ഓഫീസര്) നിയമിക്കപ്പെടുന്ന 500 വനാശ്രിത പട്ടിക വർഗവിഭാഗക്കാര്ക്ക് മുഖ്യമന്ത്രി നിയമന ഉത്തരവ് കൈമാറി.
പട്ടികവഗ വിഭാഗത്തിനെ പൊതു സമൂഹത്തിന്റെ മുഖ്യധാരയിലേക്ക് കൊണ്ടുവരിക എന്ന സര്ക്കാര് നയത്തിന്റെ ഭാഗമായാണ് അവരുടെ പ്രത്യേക നിയമത്തിനായി 500 ബീറ്റ് ഫോറസ്റ്റ് ഓഫീസര് തസ്തികകള് സൃഷ്ടിച്ചത്. കാടറിയുന്ന അവരെത്തന്നെ കാടിന്റെ കാവല് ഏല്പിക്കുക എന്നതിലൂടെ അവരുടെ പരമ്പരാഗത അറിവുകള് പ്രയോജനപ്പെടുത്തിക്കൊണ്ട് വനസംരക്ഷണത്തില് നേരിട്ടു പങ്കാളികളാക്കാന് കഴിയും. രാജ്യത്ത് തന്നെ അപൂർവമായ ഒരു നടപടിയാണിത്.
